Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jańa oqý jylynyń 19 kúninde 107 oqýshy koronavırýs juqtyrdy

2021 jyldyń 20 qyrkúıek 2021 22:16

QYZYLORDA. QazAqparat - Qyzylorda oblysynda jańa oqý jylynyń alǵashqy 19 kúninde 107 oqýshy koronavırýs juqtyrdy, dep habarlaıdy QazAqparat tilshisi.

Sońǵy kórsetkishter boıynsha aımaqta epıdemıologııalyq ahýal turaqtanyp keledi. Alaıda oqýshylar arasynda vırýs juqtyrǵandar bar. Jańa oqý jylynyń alǵashqy 19 kúninde 107 bala koronavırýs juqtyrdy.

«Óńirdegi 98 mekteptiń 107 oqýshysy koronavırýs ınfektsııasyn juqtyrdy. Basym bóligi qala mektepterinde anyqtaldy. Sonyń saldarynan 107 synyp 14 kúnge karantınge jiberildi. Sondaı-aq dástúrli formatta oqý protsesin bastaǵan mektep muǵalimderi arasynda KVI-diń 17 deregi esepke alyndy. Baılanysta bolǵandar sheńberi anyqtalyp, epıdemııaǵa qarsy barlyq sharalar oryndaldy», - dedi oblystyq sanıtarlyq-epıdemıologııalyq baqylaý departamenti basshysy Dınara Jańabergenova.

Aıta ketý kerek, oblys kóleminde búgingi kúnge deıin koronavırýs ınfektsııasynyń 17 403 jaǵdaıy tirkeldi. Ótken táýlikte 41 derek anyqtaldy. Olardyń basym kópshiligi epıdkórsetkishter boıynsha PTR tapsyrý kezinde belgili bolsa, 4 jaǵdaı naýqastarmen qarym-qatynasta bolǵan adamdar arasynda naqtylandy.

Qyzylorda oblysynda 1 myńnan astam adamnyń ózin-ózi oqshaýlaý rejımin buzǵany anyqtaldy.



Joǵary qaraı