Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jalǵan aqshamen jergilikti turǵyndardy aldaǵan jigit sottaldy

2021 jyldyń 2 naýryz 2021 14:40

QYZYLORDA. QazAqparat - Qyzylordada jalǵan aqsha jasaǵan 35 jastaǵy turǵynǵa qatysty sot úkimi shyqty, dep habarlaıdy QazAqparat tilshisi.

Ol óziniń zańsyz áreketin 2019 jyldyń qazan jáne 2020 jyldyń aqpan aılary aralyǵynda júrgizgen. Qoldan jasalǵan jalǵan aqshany saýda oryndarynda ótkizýmen aınalysqan. Qaýyn satatyn bazarda, ártúrli azyq-túlik dúkenderinde birneshe márte 5000 jáne 10000 teńgelik jalǵan banknottarmen saýda jasaǵan. Óziniń áreketin keshki jáne túngi ýaqytta júrgizgen.

Bul jóninde satýshylardyń biri polıtsııa qyzmetine shaǵym túsirgen. Oǵan kúdikti azamatty Qyzylorda oblysy boıynsha ekonomıkalyq tergeý departamenti qyzmetkerleri anyqtady.

Jábirlenýshilerdiń jalǵan aqsha ótkizgen azamatty taný hattamasy jasaldy. Sot-tehnıkalyq saraptama nátıjesi ázirlendi. Alynǵan aqshalardyń QR Ulttyq bank úlgilerimen sáıkes kelmeýi qylmystyq iske dáleldeme retinde paıdalanyldy.

Qyzylorda qalalyq №2 sotynyń úkimimen ol QR Qylmystyq kodeksiniń 231-babynyń 2-bóliginiń 2) tarmaǵymen (jalǵan aqshany saqtaý jáne birneshe ret ótkizý) kináli dep tanyldy. Oǵan 5 jylǵa bas bostandyǵynan aıyrý jazasy taǵaıyndaldy. Jábirlenýshilerge keltirilgen shyǵyndar múliktik zalal retinde sottalýshydan óndiriledi.

Vedomstvo málimetinshe, 2020 jyly Qyzylorda oblysy boıynsha ekonomıkalyq tergeý departamentinde jalǵan aqsha aınalymy derekteri boıynsha 4 qylmystyq is tirkelgen. Aınalymnan jalǵan 51 kýpıýra alynǵan.


Joǵary qaraı