Aýa raıy
Astana 11 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada volonterler arheologııalyq zertteý jumysyna qatysady

2020 jyldyń 8 tamyz 2020 02:10

QYZYLORDA. QazAqparat - Qyzylorda oblysynda «Syr Volonterleri» ortalyǵy óńirdegi barlyq erikti azamattardyń basyn biriktire otyryp, «bir tereze» qaǵıdaty boıynsha qyzmet kórsetip keledi, dep habarlaıdy QazAqparat tilshisi.

Ortalyq bıylǵy 23 shildeden bastap jumysyn júrgizip otyr. Oǵan oblystyq ishki saıasat basqarmasy tarapynan qoldaý jasaldy. Negizgi maqsaty - halyq ıgiligi úshin volonterlik kómek kórsetý. Qazir ortalyq tarapynan koronavırýs indetimen kúres, volonterlik kómek pen qaıyrymdylyq aktsııalaryna basymdyq berilgen.

Ortalyq 7 baǵyt boı̆ynsha qyzmet atqarady. Oǵan jaýapty mamandar bólingen. Mamandar qazir onlaı̆n formatta jumys júrgizip keledi.

Eriktiler tarapynan tarıhı-mádenı mura obektilerin saqtaý sharalaryna volonterlerdi tartý, joǵalǵan adamdardy izdeý, zilzala qaýip-qaterin azaı̆tý jáne tabıǵı jáne tehnogendik sıpattaǵy tótenshe jaǵdaı̆lar saldaryn joıý, oqýshylar men stýdent jastarǵa úı̆irmeler, kompıýterlik saýattylyqty arttyratyn onlaı̆n sabaqtar men kýrstar ótkizý baǵyttarynda jumystar júrgiziledi. Sondaı-aq, onkologııalyq dıspanserler, aýrýhanalardaǵy naýqastarǵa medıtsınalyq kómekter berý, qorshaǵan ortany qorǵaý, ózender men ormandardy tazalap, aǵash otyrǵyzý josparda bar. Sondaı-aq, qarttar úı̆lerine, áleýmettik az qamtylǵan otbasylarǵa kómek kórsetý, ómirde qıyn jaǵdaı̆ǵa tap bolǵan jastarǵa, jas otbasylarǵa kómek berý jobalary jumys jasaıdy

«Qurban aıt merekesi qarsańynda bizdiń ortalyqtyń jáne Qazaqstan halqy Assambleıasynyń uıymdastyrýymen respýblıkalyq «Myń alǵys» aktsııasyna 80-nen astam volonter men 20 avtovolonter jumyldyryldy. Aktsııa barysynda 100-den asa medıtsına qyzmetkeriniń otbasylaryna azyq-túlik jıyntyǵy, merekelik sebet tabys etildi. Oǵan qosa 1700 medıtsına qyzmetkerine ystyq tamaq, temirjol aýrýhanasynyń qyzmetkerlerine azyq-túlikteı kómek, arnaıy qurbandyqqa shalynǵan mal etteri taratyldy», - dedi ortalyqtyń top basshysy Symbat Bımaǵanbetova.

Onyń aıtýynsha, Qazaly, Qarmaqshy, Jalaǵash aýdandarynyń volonterlary «Birgemiz: Saulyq» baǵyty boıynsha «Betperde taǵyp júreıik»naýqany aıasynda kópshilikke 4550 dana medıtsınalyq betperde taratty. Syrdarııa aýdanynyń volonterlary «Birgemiz: Taza Qazaqstan» baǵyty boıynsha Syrdarııa ózeni jaǵalaýyna tazalyq jumystaryn atqardy. Osyndaı jumysty Shıeli aýdanynyń jastary ortalyq meshiti aýmaǵynda júzege asyrdy. Mundaı ıgilikti iske qazalylyq eriktiler de belsene atsalysty. Al Qyzylorda qalasynyń jastary «Birgemiz: Umit», «Birgemiz: Taza alem», «Birgemiz: Sabaqtastyq» baǵyttary mańyzdy isterdi ótkizýge uıytqy boldy. Eriktiler maýsymdyq kezeńde sýǵa ketý oqıǵasynyń jıilep ketýine baılanysty qala turǵyndaryn sýǵa túsý kezinde saqtyq sharalaryn eskerýge shaqyrdy. Kópshilikke demalys oryndary men jaǵajaılarda tazalyq saqtaý jaıynda keńes berdi.

«Atap óterligi,«Birgemiz: Qamqor» «Birgemiz: Sabaqtastyq» baǵyttarynda tıisti jumystar atqaryldy. Osy maqsatta óńirdegi «Hareket» qaıyrymdylyq qory jergilikti eriktilermen birige otyryp, Qyzylorda qalasy men Aral aýdanyndaǵy 2 kópbalaly anaǵa baspana kiltin tabys etti. Endi tamyz, qyrkúıek aılarynda «Mektepke jol» respýblıkalyq aktsııasy ótkiziledi. Ol «Birgemiz: Bilim» baǵyty boıynsha júrgiziledi. Aktsııa barysynda kópbalaly, áleýmettik jaǵynan az qamtylǵan otbasylarda tárbıelenip jatqan mektep jasyndaǵy balalardy oqý quraldarymen qamtamasyz etý josparlanyp otyr. Al, «Birgemiz: Asyl mura» baǵytynda Qarmaqshy jáne Syrdarııa aýdandaryndaǵy Bábish mola jáne Asanas qalashyqtaryna arheologııalyq eskertkishterge qazba jáne zertteý jumystaryn júrgizý josparlanyp otyr. Oǵan týǵan jerdiń tarıhı-mádenı muralaryna qyzyǵýshylyq tanytatyn jáne dalalyq qazba jumystarynyń qyr-syryn meńgerýge qyzyǵýshylyq bildirgen eriktilerdi tartý kózdelgen», - dedi ortalyqtyń top basshysy.

Ortalyqqa call-ortalyq arqyly habarlasqan turmysy tómen 200 otbasyna tıisti kómek kórsetildi. Qaıyrymdylyq isine «Ajar sıtı» saýda úıi, «Best Servıs LTD», «KREZ-Servıs», «Abaı-Dáýlet» jaýapkershiligi shekteýli seriktestikteri men «Qyzyl aı» qoǵamdyq qory qoldaý kórsetti.

Qazirgi epıdemıologııalyq jaǵdaıǵa baılanysty oblystaǵy volonterlik qyzmetterdiń basym bóligi «Birgemiz: Saýlyq» jáne «Birgemiz: Qamqor» baǵyttary boıynsha júrip jatyr.

Ortalyq ashylǵan kezden bastap osy kúnge deıin 30-ǵa jýyq túrli shara ótkizilgen. Ol Qyzylorda qalasy men oblystyń barlyq aýdanyn qamtydy.

















Joǵary qaraı