Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada úı karantıninde oqshaýlaný tártibin buzǵan 1150 azamat anyqtaldy

2021 jyldyń 23 qarasha 2021 17:59

QYZYLORDA. QazAqparat - Qyzylorda oblysynda «Ashyq» júıesi úı karantıninde oqshaýlaný tártibin buzǵan 1150 azamat anyqtaldy, dep habarlaıdy QazAqparat tilshisi.

Oblys turǵyndary arasynda koronavırýstyń taralýynyń aldyn alý maqsatynda belgilengen karantın talaptarynyń saqtalýyna monıtorıng júrgizý jalǵasýda. Jyl basynan beri búgingi kúnge deıin monıtorıngtik top tarapynan jasalǵan reıdtik tekseris negizinde 15 826 nysan qamtyldy.

Top músheleri 802 karantın talabyn buzýdy tirkedi. Bul boıynsha jalpy somasy 52 mln teńgeden astam ákimshilik aıyppul salyndy.

«Oǵan qosa oblys kóleminde «Ashyq» júıesi úı karantıninde oqshaýlaný tártibin buzǵan 1150 azamat belgili boldy. Onyń ishinde 741 adam «qyzyl», 409 tulǵa «sary» mártebege ıe. Oqshaýlaý rejımin buzýshy «qyzyl» mártebedegi azamattarǵa qatysty 246 jeke tulǵaǵa qatysty ákimshilik hattama toltyryldy. Osy baǵytta 10 mln teńgeden astam aıyppul salyndy», - dedi oblystyq sanıtarlyq-epıdemıologııalyq baqylaý departamenti basshysynyń orynbasary.

Al «sary» mártebedegi 246 tulǵaǵa sanıtarııalyq-indetke qarsy profılaktıkalyq is-sharalardy júrgizý týraly Qaýly usynyldy.

Eske salsaq, budan buryn Qyzylordada 1590 turǵyn «Pfizer» vaktsınasyn saldyrdy.



Joǵary qaraı