Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada ustazdar vaktsına saldyrýda belsendilik tanytyp otyr

2021 jyldyń 27 shilde 2021 00:28

QYZYLORDA. QazAqparat - Qyzylorda qalasynda ujym músheleri túgeldeı koronavırýsqa qarsy vaktsına saldyrǵan bilim berý mekemeleri bar, dep habarlaıdy QazAqparat tilshisi.

Atap aıtqanda, №179, 215 jáne «Nurbesik», «Bóbek», «Qarlyǵash» balabaqshalary jaýaptylyq tanytty. Oblys ortalyǵyndaǵy bilim berý mekemelerindegi ustazdar vaktsına alýdy bıyl sáýir aıynda bastaǵan edi. Bul baǵytta tıisti túsindirý ǵana júrgizildi. Osylaısha muǵalimder sanaly túrde óz erkimen ekpe saldyrǵan.

Solardyń biri - №179 orta mekteptiń matematıka pániniń muǵalimi Altynbek Jumageldıev ózge de áriptesterin vaktsına alýǵa shaqyrdy.

«Mektep ujymdarynyń basshylaryna, áriptesterime qazirgi epıdemıologııalyq jaǵdaıdy túsine otyryp, sanaly túrde vaktsına alýǵa shaqyramyn. Bizdiń mektep ujymy atalǵan iske jaýapkershilik tanytty. Oǵan ózge de áriptesterim ún qosady degen oıdamyn», - dedi ol.

Ustazdar balalar densaýlyǵyna nazar aýdarý qajettigin aıtady. Bul oraıda ekpe qabyldaýdyń mańyzy erekshe.

«Bizge ata-analar balalaryn senip tapsyryp otyr. Sondyqtan oqý salasynda olqylyqtarǵa jol bermeýge tıispiz. Ár pedagog birinshi óz densaýlyǵyn oılaýy tıis. Sonymen qatar balalardyń qaýipsizdigi - basty orynda», - dedi №215 orta mekteptiń beıindi oqytý isi jónindegi orynbasary Jadyra Nurjaqypova.

Eske salsaq, ótken táýlikte Qyzylorda oblysynda 168 adam koronavırýs juqtyrdy.


Joǵary qaraı