Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada tyıym salynǵan dinı aýdıomaterıaldardy saqtaǵan turǵyn ustaldy

2021 jyldyń 17 qyrkúıek 2021 12:18

QYZYLORDA. QazAqparat - Qyzylordada tyıym salynǵan dinı mazmundaǵy aýdıo materıaldardy saqtaǵan turǵyn ustaldy, dep habarlaıdy QazAqparat tilshisi.

Oblystyq polıtsııa departamenti ekstremızmge qarsy is-qımyl basqarmasynyń qyzmetkerleri jedel izdestirý sharalaryn júrgizdi.

Nátıjesinde el aýmaǵynda sotpen tyıym salynǵan dinı mazmundaǵy aýdıo materıaldardy «Vkontakte» áleýmettik jelisindegi jeke paraqshasynda saqtaǵan 40 jastaǵy turǵyn belgili boldy.

Onyń destrýktıvti dinı aǵymdy ustanatyny anyqtaldy.

«Oǵan qatysty QR Ákimshilik quqyq buzý kodeksiniń 453-baby 1-bóliginde kózdelgen quqyq buzýshylyq jasaǵany úshin ákimshilik is qozǵalǵan. Onda buqaralyq aqparat quraldarynyń ónimin, sol sııaqty ózge de ónimdi Qazaqstan Respýblıkasynyń aýmaǵynda daıyndaý, saqtaý, ákelý, tasymaldaý, taratý, Qazaqstan Respýblıkasynyń konstıtýtsııalyq qurylysyn kúshtep ózgertýdi, onyń tutastyǵyn buzýdy, memleket qaýipsizdigine nuqsan keltirýdi, soǵysty, áleýmettik, násildik, ulttyq, dinı, tektik-toptyq jáne rýlyq arazdyqty qozdyrý jaǵdaıy kórsetilgen», - dep málim etti Qyzylorda oblystyq polıtsııa departamentinen.

Vedomstvo málimetinshe, sot qaýlysymen destrýktıvti dinı aǵym ustanýshysy kináli dep tanyldy. Oǵan 40 838 teńge ákimshilik aıyppul salyndy.

Eske salsaq, budan buryn Qyzylorda oblysynda iri esirtki alqaby anyqtaldy.


Joǵary qaraı