Aýa raıy
Astana 12 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada tún ishinde joǵalyp ketken eki bala tabyldy

2020 jyldyń 8 tamyz 2020 04:48

QYZYLORDA. QazAqparat - Qyzylorda qalasynda tún ishinde joǵalyp ketken eki bala aman-esen tabyldy, dep habarlaıdy QazAqparat tilshisi.

Málim bolǵandaı, qala turǵyny polıtsııa qyzmetine oınaýǵa shyqqan eki balasynyń úıine oralmaǵanyn habarlaǵan. Bul iske jergilikti polıtsııa qyzmeti bóliminiń ıývenaldy polıtsııa bólimshesiniń jeke quramy jumyldyryldy.

Polıtsııa qyzmetkerleri barlyq polıtsııa ýchaskesine baǵyt-baǵdar berdi. Adam kóp jınalatyn oryndardy, shatyrlar men qaraýsyz qalǵan ǵımarattardy tekserdi.

«Іzdestirý barysynda joǵalǵan balalar qala ortalyǵynda júrgen jerinen aman-esen tabyldy. Kámeletke tolmaǵandar túngi ýaqytta zańdy ókilinsiz turǵyn jaıdan tys júrgeni úshin zańdy ókiline qatysty QR Ákimshilik quqyq buzý kodeksiniń 442-babynyń 2-bólimi boıynsha ákimshilik hattama rásimdelip, eskertý berildi. Balalar jáne olardyń ata-anasymen profılaktıkalyq áńgime júrgizildi», - dep málim etti Qyzylorda oblystyq polıtsııa departamentiniń baspasóz qyzmetinen.

Eske sala keteıik, buǵan deıin Qyzylordada sýǵa ketken 11 jasar ul balanyń denesi tabylǵan edi.


Avtor Ádiljan Úmbet
Basty sózder: Oqıǵa, Qyzylorda oblysy,
Joǵary qaraı