Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada tumaýǵa shaldyqqandar arasynda balalardyń úlesi basym

2022 jyldyń 16 qańtar 2022 00:31

QYZYLORDA. QazAqparat - Qyzylorda oblysy boıynsha jedel respıratorlyq vırýsty ınfektsııasyna shaldyǵýshylar arasynda balalardyń úlesi basym bolyp tur, dep habarlaıdy QazAqparat tilshisi.

Óńirde qysqy mezgilde jedel respıratorlyq vırýsty ınfektsııasyna shaldyǵýdyń 13 430 jaǵdaıy esepke alynǵan. Olardyń 57,6%-y 14 jasqa deıingi balalardyń úlesine tıedi. Onyń ishinde 10,6%-y — bir jasqa deıingi náresteler. Júrgizilgen epıdemıologııalyq monıtorıngke sáıkes epıdahýaldyń kúrdelenýi baıqalǵan joq.

«Epıdmaýsymda aýyr aǵymdaǵy jedel respıratorly vırýsty ınfektsııasymen 2 182 naýqastan alynǵan analız Ulttyq saraptama ortalyǵynyń vırýsologııalyq zerthanasynda PTR ádisimen tekserildi. Naýqastardyń basym bóligi oblys ortalyǵynda tirkelgen. Al tumaý emes aýrýlarǵa tekserilgen 34 synamadan 2 adenovırýs, 1 paragrıpp anyqtaldy. Epıdmaýsymǵa 80 186 doza vaktsına satyp alynǵan. Búgingi kúni oblys turǵyndary arasynda tumaýǵa qarsy vaktsınatsııalanǵan tıisti kontıngent 95,6%-dy qurap otyr», - dep málim etti Qyzylorda oblystyq sanıtarııalyq-epıdemıologııalyq baqylaý departamentiniń baspasóz hatshysy Aıman Janahaeva.

Eske salsaq, Qyzylordada koronavırýsqa shaldyqqandar arasynda vaktsına alǵandar úlesi nebári 0,4%-dy quraıdy.

Avtor Ádiljan Úmbet
Basty sózder: Densaýlyq, Qyzylorda oblysy,
Joǵary qaraı