Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada prokýratýra 134 mln teńge bıýdjet qarajatyn jymqyrý derekterin anyqtady

2022 jyldyń 19 mamyr 2022 11:26

QYZYLORDA. QazAqparat - Qyzylorda oblysynda prokýratýra tarapynan 2021-2022 jyldary 134 mln teńgege bıýdjet qarajatyn jymqyrýdyń 5 deregi boıynsha sotqa deıingi tergep-tekserý bastaldy, dep habarlaıdy QazAqparat tilshisi.

Qyzylorda oblysynda prokýratýra tarapynan júrgizilgen is-sharalar nátıjesinde 2021 jáne 2022 jyldary memlekettik satyp alýdyń barlyq satysynda zań buzýshylyqtarǵa jol berilgeni anyqtaldy.

Mundaı keleńsizdikter qatarynda qurylys nysanynyń jobalaý-smetalyq qujattamalaryn ázirleýden bastap, memlekettik satyp alýdy ótkizý, qurylys jumystaryn júrgizý jáne nysandy qabyldaý satylarynda tirkelgen jaǵdaılar bar.

«Qurylys barysynda jobalaý-smetalyq qujattamadan jekelegen jumystardy alyp tastap, ornyna negizsiz qymbat materıaldardy qosý derekteri kezdesti.

Prokýratýra tarapynan 2021-2022 jyldary 134 mln teńgege bıýdjet qarajatyn jymqyrýdyń 5 deregi boıynsha sotqa deıingi tergep-tekserý bastaldy», - dedi Qyzylorda oblysy prokýratýrasynyń basqarma basshysy Aıdos Ábdibaev.

Vedomstvo málimetinshe, 2021 jyly Qazaly aýdany ákimdigi ǵımaratynyń qurylys jumystarynda merdiger mekeme tarapynan 6 mln teńgeniń jumysy atqarylmaǵan. Bul boıynsha aýdannyń qurylys bóliminiń basshysy QR Qylmystyq kodeksiniń 361-babynyń 4-bóligimen jaýaptylyqqa tartylǵan.

«Osyndaı taǵy bir derek Qyzylorda qalasyndaǵy Syrdarııa ózeniniń sol jaǵalaý bóligindegi «Shirkeıli» arnasy arqyly kópirdi salý kezinde tirkelgen. Onda 30 mln teńgeniń jumystary jasalmaǵany anyqtaldy.

Bul boıynsha bıyl 13 mamyrda oblys prokýratýra tarapynan QR Qylmystyq kodeksiniń 189-babynyń 4-bóligimen sotqa deıingi tergep-tekserý tirkeldi»,- dedi A.Ábdibaev.

Eske salsaq, budan buryn Qyzylordada 16 adamdy aldaǵan alaıaqtar ustaldy.



Joǵary qaraı