Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada koronavırýs juqtyrýdyń antırekordy tirkeldi

2022 jyldyń 13 qańtar 2022 12:53

QYZYLORDA. QazAqparat - Qyzylorda oblysynda turǵyndardyń koronavırýs juqtyrýy boıynsha antırekord tirkeldi, dep habarlaıdy QazAqparat tilshisi.

Ótken táýlikte óńirde 268 qaterli indettiń quryǵyna ilikti. Onyń ishinde Qyzylorda qalasynda 169 jaǵdaı tirkelse, aýdandar boıynsha ol Aralda - 9, Qazalyda - 5, Qarmaqshyda - 9, Jalaǵashta - 12, Syrdarııada - 10, Shıelide - 23, Jańaqorǵanda - 31 adamdy qurady.

Osynyń saldarynan qazir oblysta koronavırýspen syrqattanǵan turǵyndary sany 20 027 adamǵa jetti.

Qazaqstan óńirlerindegi epıdemıologııalyq ahýaldy baǵalaý matrıtsasynda Qyzylorda oblysy «qyzyl» aımaqqa kirgizildi.

Aıta keterligi, buǵan deıin óńirde koronavırýs juqtyrýdyń mundaı joǵary kórsetkishi tirkelgen joq.

«Óńirde búgingi kúnge deıin koronavırýs juqtyrýdyń joǵary kórsetkishi - 251 adam boldy. Al qańtar aıynyń alǵashqy kúninen 593 adam indet juqtyrdy. Sondyqtan turǵyndan barlyq saqtyq sharalaryn saqtaýdy suraımyz», - dedi Qyzylorda oblysynyń sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.

Eske salsaq, budan buryn dárigerler Qyzylorda oblysynda «omıkron» shtamy bolýy múmkin ekenin aıtqan edi.




Joǵary qaraı