Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada halyqaralyq izdeýde júrgen asa qaýipti qylmysker ustaldy

2021 jyldyń 18 maýsym 2021 16:51

QYZYLORDA. QazAqparat - Qyzylorda oblysynda adam óltirdi degen kúdikke iligip, halyqaralyq izdeý jarııalanǵan asa qaýipti qylmyskerdi polıtseıler úsh jylǵa jaqyn ýaqyttan keıin qolǵa túsirdi, dep habarlaıdy QazAqparat tilshisi.

Oqıǵa 2018 jyldyń kúzinde Qyzylorda qalasynyndaǵy ıAssaýı men Bókeıhan kósheleriniń qıylysynda bolǵan.

Sol aýmaqtaǵy «Gelıos» janarmaı beketine qarama-qarsy tusta túski ýaqytta «Toyota Land Cruiser Prado» avtokóliginen keýde tusynan eki oq tıgen elorda turǵynynyń denesi tabylǵan edi.

Polıtseıler oǵan qatysty kúdiktiniń jeke basyn anyqtady.

Sol jyldyń 5 jeltoqsanynda Qyzylorda qalasynyń turǵyny atalǵan adam ólimine kúdikti dep tanyldy. Ol 34 jastaǵy er adam bolyp shyqty.

«Boı tasalap qashyp ketken qylmyskerge halyqaralyq izdeý jarııalandy. Oǵan qatysty sot «kúzetpen ustaý» túrindegi bultartpaý sharasyn qabyldady. Quqyq qorǵaý organdary qajetti arnaıy jedel-izdestirý is-sharalaryn júrgizdi. Nátıjesinde oblystyq polıtsııa departamentiniń krımınaldyq polıtsııa qyzmetkerleri izdeýde júrgen kúdiktini oblys ortalyǵynda tańerteń týystarynyń jeke úıinde qolǵa túsirdi. Bul sátte ol qashyp ketýge tyrysyp, polıtsııa qyzmetkerlerine qarsylyq kórsetti. Qazirgi ýaqytta kúdikti ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Eske salsaq, Qyzylordada tún ishinde qoǵamdyq orynda tártipsizdikke jol bergen jasóspirimder ustaldy.


Avtor Ádiljan Úmbet
Basty sózder: Zań, Qyzylorda oblysy, Oqıǵa,
Joǵary qaraı