Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada graffıtı jazbasy arqyly esirtki jarnamalaǵan boıjetken ustaldy

2021 jyldyń 18 maýsym 2021 19:19

QYZYLORDA. QazAqparat - Qyzylorda qalasynda kóp qabatty úılerdiń qabyrǵasyna graffıtı jazbasy arqyly esirtki zattaryn jarnamalaǵan 20 jastaǵy azamatsha qolǵa tústi, dep habarlaıdy QazAqparat tilshisi.

Jergilikti turǵyndar Qyzylorda qalasyndaǵy shaǵyn aýdandardyń birindegi kópqabatty úılerdiń qabyrǵasynda esirtki zattaryn jarnamalaıtyn graffıtı jazbasy bar ekenin baıqaǵan. Jazbada esirtki zattaryna qatysty elektrondy meken-jaı kórsetilgen.

Atalǵan derek boıynsha QR Qylmystyq kodeksiniń 299-1-babynyń 1-bóligimen sotqa deıingi tergep-tekserý bastaldy. Onda esirtki, psıhotroptyq zattardy nemese sol tektesterdi, prekýrsorlardy nasıhattaý nemese zańsyz jarnamalaý jaǵdaıy kórsetilgen.

«Tekserý jumystaryn júrgizý barysynda ondaı jazýlar qala kólemindegi ózge de shaǵyn aýdandardaǵy kópqabatty úılerdiń de qabyrǵasyna beınelegendigi anyqtaldy. Polıtsııa qyzmetkerleri kúshimen barlyǵy 110 dana graffıtı jazbasy joıyldy. Júrgizilgen jedel izdestirý is-sharalarynyń nátıjesinde oblys ortalyǵynda turatyn 20 jastaǵy azamatshanyń atalǵan qylmysqa qatysty ekeni belgili boldy. Atalǵan azamatsha óz jaýabynda áleýmettik jeliler arqyly tapqan kýrerlik jumysy úshin 70 myń teńge syıaqy alǵanyn moıyndady», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada halyqaralyq izdeýde júrgen asa qaýipti qylmysker ustaldy.



Joǵary qaraı