Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada emizýli balasy bar áıel ızolıatorǵa qamalǵan – Adam quqyqtary jónindegi ýákil

2022 jyldyń 27 qańtar 2022 20:26

NUR-SULTAN. QazAqparat – Adam quqyqtary jónindegi ýákil Elvıra Ázimova Qyzylorda oblysyndaǵy qamaýda bolǵan analardyń jaǵdaıy týraly málimet berdi, dep habarlaıdy QazAqparat tilshisi.

«Jappaı tártipsizdikterge deıin beıbit mıtıngilerdiń bolǵany týraly memlekettik deńgeıde tanylǵan faktini eskere otyryp, barlyq protsestik talqylaýlardy tolyqtyrý kerek. Osyǵan baılanysty Bas Prokýratýraǵa jergilikti aýmaqtardaǵy arnaıy jáne tergeý prokýrorlaryna, ásirese Atyraý, Shyǵys Qazaqstan, Qyzylorda jáne Aqmola oblystaryna qatysty tıisti sharalar qabyldaýdy tapsyrýdy suraımyn. Prokýrorlar tekserýdi kúsheıtý týraly talap tergeý men qamaýǵa alynǵandardyń medıtsınaǵa qoljetimdiligine de qatysty», - dedi ol «Habar-24» telearnasynda ótken brıfıngide.

Onyń aıtýyna qaraǵanda, byltyr bul máseleni sheshýge úlken qadam jasalyp, jyl sońynda medıtsınalyq qamtamasyz etý máselesi Іshki ister mınıstrliginen azamattyq Densaýlyq saqtaý mınıstrliginiń quzyryna berilgen bolatyn.

«Biraq zań tolyq iske asýy úshin jarty jyl ótý kerek. Jarty jyldyń ishinde biraz sharalar jasalý kerek. Barlyq qamaýdaǵy azamattar emdelýge qol jetkizýi tıis. Bul tek qana Ulttyq zańnamanyń talaby emes. Sonymen birge BUU talaby», - degen Elvıra Ázimova ásirese, jaraqat alǵan, sozylmaly aýrýy bar adamdar men jas balalary bar áıelderge qatysty bultartpaý sharalaryn jeńildetý kerek dep esepteıtinin jetkizdi.

«Mysaly, Qyzylorda qalasynyń tergeý ızolıatorynda eki áıel bolǵan. Olardyń bireýi bala emizý kezeńinde, ekinshisi 4 jastaǵy balasy bolǵan. Bizdiń ótinishimizge súıenip, prokýratýra bultartpaý sharasyn ózgertti. Atalǵan áıelder qazirgi ýaqytta úıinde, balalarynyń qasynda. Osyǵan baılanysty men qazir biraz qoǵamdyq uıymdarmen birge jumys istep jatyrmyn», - degen Elvıra Ázimova atalmysh uıym ókilderine alǵys bildirdi.


Joǵary qaraı