Aýa raıy
Astana -7 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada dala órtinen qyrylǵan usaq malǵa ótemaqy tólene me

2020 jyldyń 23 qazan 2020 00:10

QYZYLORDA. QazAqparat - Qyzylorda oblysy Jańaqorǵan aýdanynda dala órtinen qyrylǵan usaq malǵa ótemaqy tóleý máselesi aldaǵy ýaqytta komıssııa otyrysynan keıin belgili bolady, dep habarlaıdy QazAqparat tilshisi.

Esterińizge sala ketelik, 21 qazanda Jańaqorǵan aýdanyna qarasty Túgisken aýylyndaǵy egistik alqabynda jaıylyp júrgen usaq mal dala órtinen shyǵynǵa ushyrady .

«Órtten 263 bas qoı ólip, kómildi. Oǵan qosa 685 qoıdy kúıik shalǵan. Olardyń qanshasy tiri qalatyny ázirge belgisiz. Ótemaqy talapqa sáıkes tórt jaǵdaıda tólenedi. Bul másele naqty komıssııa qorytyndysynan keıin belgili bolady», - dedi oblystyq aýyl sharýashylyǵy basqarmasy basshysynyń orynbasary Qaıratbek Sársenbaev.

Qyzylorda oblystyq tótenshe jaǵdaılar departamenti bastyǵynyń orynbasary Rýslan Qaıraqbaev órttiń shyǵý sebebi ázirge anyqtalyp jatqanyn jetkizdi.

«Qazir órttiń shyǵý sebebine saraptama jasalýda. Naqty qorytynly sodan keıin belgili bolady» deıdi departament bastyǵynyń orynbasary.

Joǵary qaraı