Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada búldirshin qyzǵa azǵyndyq áreket jasamaq bolǵan kúdikti ustaldy

2021 jyldyń 21 shilde 2021 17:30

QYZYLORDA. QazAqparat - Qyzylordada búldirshin qyzǵa azǵyndyq áreket jasady degen kúdikpen er adam ustaldy, dep habarlaıdy QazAqparat tilshisi.

Málim bolǵanyndaı, oqıǵa 20 shildede saǵat 21.00 shamasynda bolǵan. Bekturǵanov kóshesi boıyndaǵy kóp qabatty úıdiń mańynda er adam búldirshin qyzǵa azǵyndyq áreket jasaýǵa tyrysqan.

«Bul derekke qatysty QR Qylmystyq kodeksiniń 124-babynyń 1-bóligimen sotqa deıingi tergep-tekserý amaldary bastaldy.

Kináli adam anyqtaldy. Onyń is-áreketine qatysty quqyqtyq baǵa beriledi. Qylmystyq is boıynsha qajetti sot-saraptamalary taǵaıyndalyp, keshendi tergep-tekserý áreketteri júrgizilýde», - dep málim etti Qyzylorda oblystyq polıtsııa departamentinen.

Departamenttiń habarlaýynsha, QR Qylmystyq-protsestik kodeksiniń 201-babynyń talaptaryna sáıkes, sotqa deıingi tergep-tekserý derekterin jarııa etýge jol berilmeıdi.

Qylmystyq istiń tergep-tekserilýi Qyzylorda oblysy Polıtsııa departamenti bastyǵynyń qatań baqylaýyna alynǵan.


Joǵary qaraı