Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada bıyl uzyndyǵy 355 shaqyrym avtomobıl joly men kópir ótkeli jóndeýden ótti

2021 jyldyń 12 qazan 2021 22:49

QYZYLORDA. QazAqparat - Qyzylorda oblysynda bıyl uzyndyǵy 355 shaqyrymdy quraıtyn avtomobıl joly men kópir ótkeli jóndeýden ótkizildi, dep habarlaıdy QazAqparat tilshisi.

Bıyl óńirde jol jóndeýge bıýdjetten 20 mlrd teńge bólindi. Nátıjesinde uzyndyǵy 355 shaqyrymdy quraıtyn avtomobıl joly men kópir ótkeli jóndeýden ótkizildi.

«Bıylǵy jyly atalǵan maqsatta respýblıkalyq bıýjetten tórt memlekettik baǵdarlamany iske asyrý úshin 10,8 mlrd teńge kóleminde ınvestıtsııa tartyldy. Máselen «Nurly jol» baǵdarlamasy aıasynda uzyndyǵy 250 shaqyrym bolatyn oblystyq jáne aýdandyq mańyzy bar avtomobıl joldaryn jóndeýden ótkizý josparlanǵan edi. Sol arqyly joldardyń jaqsy jáne qanaǵattanarlyq ındıkatorlyq kórsetkishiniń úlesi 75 paıyzǵa jetkizý qamtamasyz etiledi. Al «Óńirlerdi damytý» baǵdarlamasy sheńberinde qaladaǵy birneshe kóshelerge jóndeý jumystary júrgizilýde», - dedi oblystyq jolaýshylar kóligi jáne avtomobıl joldary basqarmasynyń basshysy Murat Tleýmbetov.

Sondaı-aq, «Aýyl el - besigi» baǵdarlamasymen birqatar aýdandarǵa tıisti qarjy esebinen ortasha jóndeý júrgizilýde. «Kishi qalalardy damytý» jobasymen Aral qalasynyń 10 kóshesin qaıta jańǵyrtý kezeń-kezeńimen iske asyrylýda. Oǵan qosa Jańaqorǵan jáne Shıeli aýdandaryndaǵy apattyq jaǵdaıdaǵy kópirlerge jobalaý-smetalyq qujattamasy ázirlendi.

Eske salsaq, Qyzylorda oblysynda 200-den astam eldimeken keń jolaqty ınternetpen qamtylǵan.



Avtor Ádiljan Úmbet
Basty sózder: Aımaq, Qurylys, Jol, Qyzylorda oblysy,
Joǵary qaraı