Aýa raıy
Astana -8 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada bir aptada koronavırýs ınfektsııasyn juqtyrýdyń 17 deregi anyqtaldy

2020 jyldyń 24 qarasha 2020 07:09

QYZYLORDA. QazAqparat - Qyzylorda oblysynda sońǵy aptada koronavırýs ınfektsııasyn juqtyrýdyń 17 deregi anyqtaldy, dep habarlaıdy QazAqparat tilshisi.

Bul jóninde Qyzylorda oblysy sanıtarlyq-epıdemıologııalyq baqylaý departamenti basshysynyń mindetin atqarýshy Álııa Ábdiqaıymova málim etti.

Búginde aımaqta koronavırýs ınfektsııasymen 3 285 adam tirkelgen. Sońǵy aptada oblys boıynsha koronavırýs ınfektsııasyn juqtyrýdyń 17 deregi anyqtaldy. Aýrýdyń joǵary kórsetkishi 20-69 jas aralyǵyndaǵy azamattar arasynda jıi tirkelip otyr.

«Bul baǵytta taldaý júrgizildi. Búgingi kúnge deıin koronavırýs ınfektsııasy boıynsha tirkelgen jaǵdaıdyń 69-y syrttan tasymaldanǵany belgili boldy. Sondaı-aq, 1 301 adam qarym-qatynas arqyly juqtyrǵan. Al skrınıng arqyly 1 915 adam anyqtaldy. Aıta keterligi, áli de jastar arasynda oıyn-saýyq basqosýy baıqalady. Karantın rejımine qaramastan úlken kisiler as berý, úıdegi toı, betashar sekildi kópshilik is-sharalaryna barýy tyıylmaı tur», - dedi Álııa Ábdiqaıymova.

Monıtorıng tobynyń músheleri karantınniń saqtalýyn kúndelikti baqylaýda ustap otyr. Halyqqa qyzmet kórsetý oryndarynda karantın talaby qatań saqtalýy tıis. Kemshilikke jol bergen nysan ákimshiligi jaýapkershilikke tartylady.

Aıta keteıik, budan buryn Qyzylordada qashyqtan bilim alyp jatqan 2 oqýshydan koronavırýs anyqtaldy


Joǵary qaraı