Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada bes kún buryn joǵalǵan boıjetken Tarazdan tabyldy

2021 jyldyń 30 qyrkúıek 2021 22:45

QYZYLORDA. QazAqparat - Qyzylordada bes kún boıy habarsyz ketken 20 jastaǵy boıjetken Taraz qalasynan aman-esen tabyldy, dep habarlaıdy QazAqparat tilshisi.

Eske salsaq , ol 26 qyrkúıekte saǵat 12.00 shamasynda belgisiz baǵytqa shyǵyp ketken. Sodan beri odan habar-oshar bolmaǵan.

Іzdestirý jumystaryna Qyzylorda qalalyq Polıtsııa basqarmasynyń jeke quramy, eriktiler jáne jergilikti turǵyndar jumyldyryldy. Іzdeý sharalary aıasynda áleýmettik jeliler jáne buqaralyq aqparat quraldary arqyly turǵyndar aqparattandyryldy.




«Polıtsııa qyzmetkerleriniń kúshimen qalanyń kóp qabatty shatyrlary, ójireleri jáne aýladaǵy lıýktary nazarǵa alyndy. Sondaı-aq, saıajaılardaǵy tastandy úıler, qurylysy bitpegen ǵımarattar, jertóleler men jaldamaly páterler tekserildi. Іzdestirý jumystary oblystyq Polıtsııa departamentiniń, Polıtsııa basqarmasynyń basshylyǵynyń qatań baqylaýynda boldy. Nátıjesinde búgin, 30 qyrkúıekte joǵalǵan 20 jastaǵy boıjetken Taraz qalasynan aman-esen tabylyp, ata-anasyna tapsyryldy», - dep málim etti Qyzylorda qalalyq polıtsııa basqarmasynan.


Avtor Ádiljan Úmbet
Basty sózder: Qyzylorda oblysy, Oqıǵa,
Joǵary qaraı