Aýa raıy
Astana -20 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada balyq sharýashylyǵyn damytý úshin arnaıy baǵdarlama jasaldy

2020 jyldyń 23 qarasha 2020 12:52

NUR-SULTAN. QazAqparat - Qyzylorda oblysynda balyq sharýashylyǵyn damytýdyń 2030 jylǵa deıingi baǵdarlamasy qabyldanyp, ony iske asyrýǵa 28 mlrd teńge bólý josparlanyp otyr, dep habarlaıdy QazAqparat tilshisi.

Aldaǵy ýaqytta Qyzylorda oblysynda balyq eksporty jańa deńgeıge kóterýge mán beriledi.

Osy maqsatta balyq sharýashylyǵyn damytýdyń 2030 jylǵa deıingi baǵdarlamasyn iske asyrýǵa 28 mlrd teńge qarastyrylady.

Sol kezeńge deıin aımaqta 55 taýarly balyq aýlaý fermasy iske qosylady. Jańa óndiris taýarly balyq kólemin 34 esege arttyrýǵa jol ashady.

Nátıjesinde balyq óniminiń eksporty 4,2 tonnadan 8,5 myń tonnaǵa deıin artady. Odan bólek óńirde 10 toǵan jáne 4 torly ferma qurylǵysy salynady.

Ortalyq kommýnıkatsııalar alańynda ótken brıfıngte Qyzylorda oblysynyń ákimi Gúlshara Ábdiqalyqova ishki naryqqa qajet ónim óndirý úshin shaǵyn óndiris oryndarynyń úlesi artyp kele jatqanyn jetkizdi.

«Bıyldan bastap Syr óńirinde makaron, buqtyrylǵan qoı, sıyr jáne jylqy etinen konservi daıyndaý ónidirisi iske qosyldy. Óńirde jylyna 1500 tonna qus etin óndiretin fabrıka ashylady. Sondaı-aq, ıspan tehnologııasy boıynsha as tuzyn shyǵaratyn tseh, túıe sútinen qurǵaq untaq óndirý zaýyty, 1200 basqa arnalǵan iri qara malyn ósirý jáne sút óńdeý kesheni salynady», - dedi oblys ákimi.

Aıta keteıik, búgin Ortalyq kommýnıkatsııalar alańynda oblys ákimi Gúlshara Ábdiqalyqovanyń brıfıngi bastaldy.


Joǵary qaraı