Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada artqa sheginip jatqan kólik saýda ortalyǵynyń áınek qabyrǵasyn qıratty

2021 jyldyń 20 qyrkúıek 2021 03:59

QYZYLORDA. QazAqparat - Qyzylorda qalasynda sheginbek bolǵan kólik júrgizýshisi tizginge ıe bola almaı saýda ortalyǵynyń áınek qabyrǵasyn qıratty, dep habarlaıdy QazAqparat tilshisi.

Oqıǵa 19 qyrkúıekte N.Nazarbaev dańǵyly boıyndaǵy «Aray City Mall» oıyn-saýyq ortalyǵy aýmaǵynda boldy. «Mercedes-Benz-tiń» 51 jastaǵy júrgizýshi artqa sheginip jatyp, kóligin basqara almaı ǵımarattty soǵyp ketti.

«Saldarynan ǵımaratqa materıaldyq zalal keldi. Jol-kólik oqıǵasy zań talabyna saı rásimdeldi. Júrgizýshige qatysty QR Ákimshilik quqyq buzýshylyq týraly kodeksiniń 610-babynyń 1-bóligimen ákimshilik hattama toltyryldy. Medıtsına ortalyǵyna eshkim júgingen joq», - dep málim etti Qyzylorda qalalyq polıtsııa basqarmasynan.

Eske salsaq, budan buryn Qyzylordada tyıym salynǵan dinı aýdıomaterıaldardy saqtaǵan turǵyn ustaldy.



Avtor Ádiljan Úmbet
Basty sózder: Kólik, Oqıǵa, Qyzylorda oblysy,
Joǵary qaraı