Aýa raıy
Astana 12 °S
Almaty 12 °S
valıýta baǵamy
USD 412.55
EUR 468.66
RUB 5.79
CNY 58.80

Qyzylordada Abaı tutynǵan shkaf saqtaýly tur

2020 jyldyń 10 tamyz 2020 01:37

QYZYLORDA. QazAqparat - Qazaq halqynyń kórnekti tulǵasy Abaı tutynǵan árbir jádiger - búginde halqymyzdyń baǵa jetpes baılyǵy. Sondaı dúnıeniń biri - Qyzylorda oblysy Syrdarııa aýdandyq tarıhı-ólketaný mýzeıinde saqtaýly tur.

Qos ǵasyrǵa jýyq tarıhy bar shkaf mýzeıge kelýshi kópshiliktiń qyzyǵýshylyǵyn týǵyzady, dep habarlaıdy QazAqparat tilshisi.

Shkafty mýzeıge aýdan ortalyǵy - Tereńózek kentine jaqyn oryn tepken A.Toqmaǵanbetov aýylynyń turǵyny Ahmetbek Іskendirov 2006 jyly tabys etken eken. Baǵaly jádiger alǵashqyda Qunanbaıdyń týysy Turǵan esimdi áıel kisige berilgen. Semeı óńirinde dúnıege kelgen ol Syr boıynyń azamatymen shańyraq kótergen. Óziniń aýylyna tórkindep barǵanda oǵan týysqandary qazaqtyń oıshyl aqyny - Abaı estelik retinde atalmysh shkafty tartý etedi.

«Odan keıingi kezeńde ol kisi qyz bosanyp, oǵan Abaıdyń ájesi - Zereniń esimin qoıady. Zere boı jetip, beride Asqar aýylynyń azamatyna turmysqa shyǵady. Kelin bolyp túskende oǵan jasaý retinde osy shkaf ta ózimen birge keledi», - deıdi aýdandyq ólketaný mýzeıiniń mamandary.

Moldalar men baılardyń basyna qara bult úıirilgen 1928-29 jyldary bul otbasy Tájikstanǵa kóshýge májbúr bolady. Shkaf aýyl turǵyny Týmyshqa qalǵan eken.

1942 jyly Zereniń qyzy Ásııanyń urpaqtary Ahmetbek, Mamadııar, Ábdiraman tájik elinen A.Toqmaǵambetov aýylyna qaıta oraldy. Elge kelisimen Ásııa áke-sheshesiniń Týmyshqa amanattap ketken dúnıeleri, onyń ishinde Semeıden kelgen kitap sóresin qaıtaryp alady.

Ahmetbek Іskendirovtiń aıtýynsha, Zere oǵan naǵashy áje bolyp keledi. ıAǵnı, anasynyń sheshesi. Kóneniń kózindeı dúnıe osylaısha Ahmetbek Іskendirovtiń otbasyna tıedi. Qanshama jyldar boıy kóziniń qarashyǵyndaı saqtap kelgen dúnıeni ol kisi beride aýdandyq ólketaný mýzeıine tabys etip, halyqtyń qyzyǵa tamashalaıtyn qundy jádigeriniń birine aınaldy.

Esterińizge sala ketelik, búgin - 10 tamyzda Qazaqstanda tuńǵysh ret Abaı kúni atalyp ótedi.



Avtor Ádiljan Úmbet
Basty sózder: Qoǵam, Qyzylorda oblysy,
Joǵary qaraı