Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada 50 myńǵa jýyq adam koronavırýs vaktsınasyn saldyrdy

2021 jyldyń 4 mamyr 2021 19:28

QYZYLORDA. QazAqparat - Qyzylorda oblysynda 49386 adam koronavırýsqa qarsy vaktsına saldyrdy, dep habarlaıdy QazAqparat tilshisi.

Óńirge 71300 doza vaktsına jetkizilgen bolatyn. Onyń ishinde turǵyndar «Spýtnık V» jáne «QazVac» vaktsınalaryn qabyldaýǵa nıet bildirdi.

Ótken táýlikte 5300-den astam adam ekpe qabyldaǵan azamattar tizimine engizildi.

Olardyń qatarynda muǵalimder, medıtsına qyzmetkerleri, polıtseıler, quqyq qorǵaý qyzmetkerleri jáne basqa da turǵyndar sany basym.

Jalpy alǵanda, oblysta 49386 adam koronavırýsqa qarsy vaktsına saldyrdy.

«Aıta keterligi, ekpe qabyldaǵan azamattardyń 22117-i oblys ortalyǵynda tursa, 26261-i aýdandardyń úlesine tıedi. Ekpe alǵan turǵyndar dárigerler baqylaýynda, densaýlyq jaǵdaıyna shaǵymy joq», - dep málim etti Qyzylorda oblystyq densaýlyq saqtaý basqarmasynan.

Qyzylordada emdeý oryndary koronavırýsqa qarsy vaktsınany aptasyna jeti kún boıy salatyn boldy. Bul jumystar 29 sáýirden bastap júrgizilýde.

Turǵyndar tańǵy saǵat 08.00-den túngi saǵat 00.00-ge deıin vaktsına saldyra alady.

Koronavırýs ınfektsııasyna qarsy ekpe saldyrý halyqqa endi kez kelgen ýaqytta qoljetimdi bolmaq.


Joǵary qaraı