Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada 409 483 adam koronavırýsqa qarsy vaktsına saldyrdy

2021 jyldyń 9 jeltoqsan 2021 18:37

QYZYLORDA. QazAqparat - Qyzylorda oblysynda 409 483 adam koronavırýsqa qarsy vaktsınanyń birinshi komponentimen qamtyldy. Bul - ekpe qabyldaýǵa qabiletti turǵyndardyń 90,5 paıyzy, dep habarlaıdy QazAqparat tilshisi.

Aıta ketý kerek, óńir koronavırýs ınfektsııasyna qarsy vaktsınatsııalaý kórsetkishteri boıynsha alǵashqy bestikte tur. Qyzylorda oblysynda 9 jeltoqsandaǵy málimet boıynsha birinshi komponentpen 409 483 adam (90,5 %) qamtyldy, ekinshi komponent 359 394 adamǵa (79,4 %) jetti.

Ótken táýlikte koronavırýs ınfektsııasyn juqtyrǵan 7 adam tirkeldi. Olardyń 5-i Qyzylorda qalasynda tursa, ol aýdandar boıynsha Syrdarııada - 1, Jańaqorǵanda - 1 adamdy quraıdy.

Ótken jyldan beri Qyzylorda oblysynda koronavırýs ınfektsııasyn juqtyrǵan 19 354 naýqas tirkelgen. Olardyń 18 809-y jazylyp shyqty.

«Oblysta epıdemıologııalyq ahýal turaqty. Degenmen, saqtyq sharasyna beı-jaı qaraýǵa bolmaıdy. Adam kóp shoǵyrlanǵan oryndarda betperde rejımi men áleýmettik ara qashyqtyq saqtalýy tıis. Sondaı-aq, qazir tumaý taraıtyn kez. Vırýs juqtyryp, ımmýnıtetti álsiretip almaý qajet», - dedi oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Eske salsaq, buǵan deıin Qyzylorda oblysynda 8 myńnan astam adam Pfizer vaktsınasyn saldyrdy.



Joǵary qaraı