Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada 40 aýyldyq okrýgte ákim saılaýyna 131 úmitker qatysýda

2021 jyldyń 25 shilde 2021 11:00

QYZYLORDA. QazAqparat - Qyzylorda oblysynda 40 aýyldyq okrýgte ákim saılaýy ótýde. Oǵan barlyǵy 131 úmitker qatysýda, dep habarlaıdy QazAqparat tilshisi.

Óńirdegi jeti aýdanda aýyl ákimi saılaýy ótýde.

«Oblys boıynsha 54 saılaý ýchaskeskesinde daýys berý ótip jatyr. Oǵan 304 komıssııa múshesi tartylǵan. Daýys berýge arnalǵan saılaý ýchaskeleriniń barlyǵy tańǵy saǵat 6.00-de ashylyp, tıisti hattama jasaldy. Jergilikti ýaqyt saǵat 7.00-den bastap saǵat 20.00-ge deıin komıssııa músheleri saılaýshylarǵa saılaý bıýlletenin beredi. Al saılaýshylardyń kelýi týraly aldyn-ala aqparat 21.00-de usynylady», - dedi oblystyq saılaý komıssııasynyń tóraǵasy Ǵalym Baımyrzaev.

Óńirde 40 aýyldyq okrýg boıynsha ákim saılaýyna 151 kandıdat usynys bildirgen bolatyn. Olardyń arasynda 53-i saıası partııalar quramynan bolsa, 98-i ózin-ózi usynýshylar.

Oblys boıynsha 2 saılaý okrýginde 2, 28-de 3, 8-de 4, 1-de 5, 1-de 6 kandıdat el senimine ıe bolýǵa kúsh salady.

Sondaı-aq, 1 saılaý okrýginde 3, 10 okrýgte – 2, 26 okrýgte 1, 3 okrýgte - tek ózin-ózi usyný jaǵdaıy kórinis berdi, olarda saıası partııa ókilderi joq.



Joǵary qaraı