Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada 16 adamdy san soqtyrǵan alaıaq ustaldy

2021 jyldyń 3 jeltoqsan 2021 07:48

QYZYLORDA. QazAqparat - Qyzylordada jalǵan qarjylyq pıramıda qurý arqyly 16 adamǵa múliktik zalal keltirgen kúdiktige qatysty qylmystyq is sotta qaralýda, dep habarlaıdy QazAqparat tilshisi.

Bul jóninde oblystyq polıtsııa departamentiniń tergeý basqarmasy bastyǵynyń mindetin atqarýshy Ashat Muhtaruly aıtyp berdi.

«Atalǵan adam ǵalamtordaǵy «WhatsApp» messendjerinen «Wall Street», «Vklad chat Ergazy» jáne «Inspider» ataýymen chattar ashqan. Osylaısha el arasynda jalǵan aqparat taratqan. Qatysýshylardy basqalardyń jarnasy esebinen baıytý bolatynyn aıtqan. Sol aktıvterdi tartý arqyly tabys alý jónindegi qyzmetti jalǵan uıymdastyryp, qarjylyq pıramıdany qurǵan. Saldarynan 16 adamǵa 4 563 800 teńge shamasynda múliktik zalal keltirgen. Qazir qylmystyq is-materıaly sotta qaralýda», - dedi A.Muhtaruly.

Onyń aıtýynsha, alaıaqtar ózge jarnamalyq saıttardy paıdalanyp, jalǵan satylymdar uıymdastyrǵan jaǵdaılar kezdesedi. Onda turǵyn úıdiń, qymbat kólikterdiń jáne ózge de baǵaly zattardyń sýretterin qoıyp, arzan baǵasyn kórsetedi. Oǵan qyzyǵýshylyq tanytqan jáne baǵasyna kelisken azamattarǵa 10 paıyzdyq nemese belgili bir mólsherdegi aqsha-qarajattaryn aýdartyp alyp, izin jasyrady.

Óńirde qarjylyq pıramıdany qurý, aqparattyq júıeni paıdalana otyryp aldaý deregi azaımaı tur. Oblysta bıylǵy jyldyń 11 aıynda alaıaqtyqtyń 642 deregi tirkelgen. Ol byltyrǵy jylmen salystyrǵanda 10,8 paıyzǵa artyq.

Alaıaqtyq qylmystyń 342 deregin nemese 52 paıyzyn ınternet-alaıaqtary quraǵan. Bul boıynsha tirkelgen qylmystardyń 49-y nemese 14,3 paıyzy Reseı men Ýkraına azamattary tarapynan jasalǵan. Osy qylmys túriniń 15-i sotqa joldansa, 18-i boıynsha tergep-tekserýler toqtatylǵan, qalǵan isterdiń merzimi úzilgen.

Búginge deıin oblys kóleminde 24 ınternet alaıaqtyq qylmysy ashylyp, 9-y kezekshi táýlikte ashylǵan.

Eske salsaq, budan buryn Qyzylordada para aldy degen kúdikpen polıtsııa qyzmetkeri ustaldy.

Avtor Ádiljan Úmbet
Basty sózder: Qyzylorda oblysy, Alaıaqtyq,
Joǵary qaraı