Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada 105 myńnan astam adam koronavırýsqa qarsy vaktsına saldyrdy

2021 jyldyń 15 maýsym 2021 12:50

QYZYLORDA. QazAqparat - Qyzylorda oblysynda 105 myńnan astam adam koronavırýsqa qarsy vaktsına saldyrdy, dep habarlaıdy QazAqparat tilshisi.

Ótken táýlikte oblysta 2029 adam qaterli indetke qarsy ekpe qabyldady. Olardyń arasynda 43 myńnan astamy oblys ortalyǵynda tursa, qalǵany aýdandardyń úlesine tıedi.

Óńirde búginde 800 myńnan astam adam bar. Dárigerlerdiń aıtýynsha, olardyń 370 myńnan astamy ekpe qabyldaýy tıis. Búginge deıin oblysta 105 myńnan astam adam vaktsına qabyldap úlgerdi.

«Oblysta turǵyndardyń vaktsına qabyldaýyna barlyq múmkindik jasalǵan. Óńirde osy maqsatta 106 egý pýnkti, 39 jyljymaly egý brıgadasy ashylǵan. Dárigerlerden jasaqtalǵan brıgadalar oblys ortalyǵyndaǵy birqatar saýda ortalyqtarynda bar», - dep málim etti Qyzylorda oblystyq densaýlyq saqtaý basqarmasynan.

Buryn ekpe qabyldaǵandar qatarynda memlekettik qyzmetkerler, bıýdjet salasynyń ókilderi basym bolatyn. Qazir jergilikti turǵyndar tarapynan ekpe qabyldaýǵa nıet bildirgen adamdar qatary kóbeıip keledi.


Joǵary qaraı