Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada 1,2 mln teńge para aldy degen kúdikpen sheneýnikter tergelip jatyr

2022 jyldyń 15 sáýir 2022 17:21

QYZYLORDA. QazAqparat - Qyzylorda oblysynyń sybaılas jemqorlyqqa qarsy qyzmeti para alý deregi boıynsha birqatar laýazymdy tulǵalarǵa qatysty tergeý bastady, dep habarlaıdy QazAqparat tilshisi.

Qyzylorda oblysy ishki memlekettik aýdıt departamentiniń bólim basshysy men bas mamanyna qatysty tergeý júrip jatyr.

«Atalǵan qyzmetkerler memlekettik aýdıtorlyq tekserý júrgizý kezinde jalpy somasy 1 280 000 teńgeni quraıtyn para alý deregine jol bergen. Bul rette Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy tekserý boıynsha oń sheshim qabyldaǵany úshin joǵaryda atalǵan tulǵalarǵa 50 000 teńge somasynda para bergen», - dep málim etti Qyzylorda oblysynyń sybaılas jemqorlyqqa qarsy qyzmeti.

Vedomstvo málimetinshe, sot Qyzylorda oblysynyń ishki memlekettik aýdıt departamentiniń laýazymdy adamdaryna qatysty kúzetpen ustaý sharasyn sanktsııalaǵan.

Ózge aqparat tergeý múddesine baılanysty jarııalanbaıdy.


Joǵary qaraı