Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysyndaǵy jol apaty 8 adamnyń ómirin qıyp ketti

2022 jyldyń 15 qańtar 2022 20:56

QYZYLORDA. QazAqparat - Qyzylorda oblysynda jol apatynan 8 adam kóz jumdy, dep habarlaıdy QazAqparat tilshisi.

Oqıǵa búgin, 15 qańtarda 13.30 shamasynda Aral aýdanyna qarasty Aralqum eldi mekeniniń tusynda «Shymkent-Samara» tas jolynyń boıynda boldy.

Jol-kólik oqıǵasynan 8 adam kóz jumdy.

Apatqa baılanysty QR Qylmystyq kodeksiniń 345-babynyń 4-bóligimen sotqa deıingi tergep-tekserý áreketteri júrgizilýde. Onda avtomobıldi basqaratyn adamnyń jol júrisi qaǵıdalaryn buzyp, abaısyzda eki nemese odan da kóp adamnyń ólimine ákep soǵý jaǵdaıy kórsetilgen. Tıisti sot saraptamalary taǵaıyndaldy. Qazirgi ýaqytta oqıǵanyń mán-jaılary anyqtalýda.

«Óńirde aýa raıynyń qolaısyzdyǵyna baılanysty Qyzylorda oblysynyń komendatýrasy júrgizýshilerdi jyldamdyq mólsherin arttyrmaı, jolda júrý erejesin saqtaýlaryn suraıdy. Qajetti ara qashyqtyqty ustap, qaýipsizdikti qamtamasyz etip, jol erejesin qatań túrde ustaný qajettigin eskertedi», - dep málim etti Qyzylorda oblystyq polıtsııa departamentinen.

Qyzylorda oblysy TJD Órt sóndirý jáne avarııalyq qutqarý jumystary qyzmeti málimetine súıensek, 112 qutqarý qyzmetine túsken habarlama boıynsha №3 mamandandyrylǵan órt sóndirý bóliminen 2 arnaıy tehnıka jáne 8 qyzmetker oqıǵa ornyna jetken.

«Oqıǵa ornynda Vengrııadan Ózbekstan astanasy Tashkent qalasyna dári-dármek tasymaldap kele jatqan «Volvo» markaly júk kóligine Qazalydan Aralǵa bara jatqan «Mazda MPV» markaly avtokóligimen qarsy baǵytqa shyǵyp ketken «Mazda MPV» avtokóligi soqtyǵysqan. Júk kóligin 1977 jylǵy vengrııalyq azamat basqarsa, avtokólik tizgininde 1991 jylǵy qazaqstandyq azamat bolǵan. Jol-kólik oqıǵasynan avtokólik ishinde qysylyp qaza bolǵan marqumdardyń denesi arnaıy quraldarmen syrtqa shyǵaryldy», - dep málim etti TJD Órt sóndirý jáne avarııalyq qutqarý jumystary qyzmeti.


Joǵary qaraı