Qyzylorda oblysynda jyl basynan beri adam saýdasyna qatysty 6 derek tirkeldi
QYZYLORDA. QazAqparat - Qyzylorda oblysynda jyl basynan beri adam saýdasyna qatysty 6 derek tirkeldi, dep habarlaıdy QazAqparat tilshisi.
Bıyl oblysta májbúrli eńbek jáne 14 jasqa tolmaǵan balalardyń eńbegin paıdalaný derekteri boıynsha oqıǵa tirkelgen joq.
«Polıtsııa adam saýdasyna qarsy kúres baǵytynda jumystar júrgizdi. Jyl basynan beri 5 jeńgetaılyq jáne 1 bas bostandyǵynan zańsyz aıyrý boıynsha qylmystyq is tirkelgen. Bul boıynsha tergeý amaldary júrgizilýde. Sonymen qatar, oblys aýmaǵynda adam saýdasymen baılanysty qylmystardy eskertý, jolyn kesý, anyqtaý jáne ashý baǵytynda quzyrly organdarymen birlesken jedel-izdestirý is-sharalaryn ótkizýge mán berildi», - dedi oblystyq eńbek salasyn baqylaý basqarmasynyń basshysy Tóreahmet Jolymbetov.
Basqarma basshysy adamdardy eńbekke qanaý maqsatynda zańsyz bostandyǵynan aıyrý derekterin anyqtaý, jolyn kesý baǵytynda tıisti is-sharalar júrgizilgenin atap ótti. Osy maqsatta oblysymyzda 3671 sharýa qojalyqtyń 2876-sy tekserilgen.
