Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda jyl basynan beri 815 sanıtarlyq tekserý júrgizilgen

2021 jyldyń 12 qazan 2021 21:38

QYZYLORDA. QazAqparat - Qyzylorda oblysynda sanıtarııalyq-epıdemıologııalyq jaǵdaı barysy tarazylandy, dep habarlaıdy QazAqparat tilshisi.

Búgin oblys ákimi Gúlshara Ábdiqalyqova oblys boıynsha medıtsınalyq jáne farmatsevtıkalyq baqylaý, oblystyq sanıtarııalyq-epıdemıologııalyq baqylaý departamentteriniń basshylarymen júzdesýinde bul baǵytta atqarylǵan jumystar barysy saralandy.

Oblystyq medıtsınalyq jáne farmatsevtıkalyq baqylaý departamentiniń basshysy Ǵalııa Baımenovanyń aıtýynsha, bıylǵy jyldyń 9 aıynda medıtsınalyq qyzmet pen farmatsevtıkalyq nysandarǵa jospardan tys 131, jospar boıynsha 28 tekseris uıymdastyrylǵan. Nátıjesinde túrli dárejedegi 56 ákimshilik quqyq buzýshylyq anyqtaldy. Olarǵa jalpy kólemi 3,5 mıllıon teńgege jýyq aıyppul salyndy. Óńirde dári-dármek qorynda tapshylyq joq. «SK-Farmatsııa» JShS dárilik qoımasynda kovıdke qarsy 3,69 mıllıon teńgeniń dári qory saqtalǵan.

Óńir basshysy shalǵaı eldi mekendegi dárihanalarda preparattardyń qoryn tekserip, qajettilikke qaraı saraptama júrgizý qajettigin eske saldy.

«Kórshiles elderde epıdemıologııalyq jaǵdaıdyń ýshyǵýyna baılanysty naqty is-sharalar jospary bekitilýi tıis. Shalǵaı aýyldar men aýdandarda dári tapshylyǵynyń aldyn alýymyz kerek», - dedi oblys ákimi.

Qyzylorda oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenovanyń aıtýynsha, jyl basynan beri karantın talabynyń saqtalýyna baılanysty departament tarapynan jospardan tys 815 tekserý júrgizilip, 323 zań buzýshylyq anyqtalyp, qorytyndysymen jalpy somasy 37 180 457 teńgeni quraıtyn aıyppul salyndy. Mekeme bilim berý uıymdaryna da tekseris jumystaryn júrgizgen.

Kezdesýde oblys ákimine koronavırýspen kúres amaldary, vaktsınatsııalaý qarqyny jáne tumaý men týberkýlezge qarsy ekpe jumystaryn júıeli uıymdastyrý máselesi qaraldy.

Eske salsaq, Qyzylordada ekpe qabyldaýǵa qabiletti azamattardyń 72 paıyzy vaktsına saldyrdy.



Joǵary qaraı