Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda jol jelisin damytý jaqsara tústi

2021 jyldyń 14 shilde 2021 20:20

QYZYLORDA. QazAqparat - Qyzylorda oblysynda bıyl uzyndyǵy 360 shaqyrymdy quraıtyn avtomobıl joldary, kópir ótkelderi jáne kósheler jóndeýden ótkizilýde, dep habarlaıdy QazAqparat tilshisi.

Atalǵan másele oblys ákimi Gúlshara Ábdiqalyqovanyń basshylyǵymen ótken jol jelisin damytý jáne jolaýshylar tasymaly boıynsha atqarylyp jatqan jumystarǵa qatysty jıynda keńinen talqylandy.

Óńirde avtomobıl joldarynyń jalpy uzyndyǵy - 3397 shaqyrym. Onyń 1016 shaqyrymy respýblıkalyq, 2381 shaqyrymy - oblystyq jáne aýdandyq mańyzy bar avtomobıl joldary.

Bıyl respýblıkalyq jáne oblystyq bıýdjetten qaralǵan 20 mlrd teńgege uzyndyǵy 360 shaqyrymdy quraıtyn avtomobıl joldary, kópir ótkelderi jáne kósheler jóndeýden ótkizilýde. Respýblıkalyq bıýdjetten memlekettik baǵdarlamala negizinde 10.8 mlrd teńge kóleminde ınvestıtsııa tartyldy.

Jartyjyldyqqa josparlanǵan 6,6 mlrd teńge tolyǵymen ıgerilip, 50 shaqyrymnan astam avtomobıl joldary jóndeýden ótkizildi. Bul oblystyq jáne aýdandyq mańyzy bar avtomobıl joldarynyń jaqsy jáne qanaǵattanarlyq ındıkatorlyq kórsetkishiniń úlesin arttyra tústi.

Atap aıtsaq, «Nurly jol» baǵdarlamasy aıasynda jalpy 11 647,0 mln. teńge bólinip, sol boıynsha 45 joba júzege asyrylǵan. Ol uzyndyǵy 250 shaqyrymdy quraıtyn oblystyq jáne aýdandyq mańyzy bar avtomobıl joldary jóndeýge jol ashty.

Al «Óńirlerdi damytý» baǵdarlamasy aıasynda respýblıkalyq bıýdjetten 1 774,3 mln. teńge bólinip, Qyzylorda qalasynyń sol jaǵalaý bóligin damytý maqsatynda úsh joba júzege asyrylýda. «Aýyl el - besigi» baǵdarlamasy boıynsha respýblıkalyq bıýdjet esebinen 2 604,6 mln. teńgege eldi mekenderdegi 64 kóshege ortasha jóndeý jumystary júrgizilýde. «Kishi qalalardy damytý» baǵdarlamasy aıasynda Aral, Qazaly qalalaryndaǵy birqatar kósheler jóndelýde.

Aıta keterligi, Qazaly aýdanyndaǵy Qarlan ýchaskesindegi Syrdarııa ózeni arqyly kópir salý jobasynyń memsaraptama qorytyndysy alyndy. Jobanyń jalpy smetalyq quny - 4,4 mlrd teńge. Sondaı-aq, «Qyzylorda-Jalaǵash» avtomobıl jolyn jóndeý maqsatynda respýblıkalyq bıýdjetten 1 mlrd teńge qaralyp, memlekettik satyp alý konkýrsy aıaqtalýda. Jóndeý jumystary shilde aıynyń sońyna qaraı bastalady dep josparlanýda.

Al Qazaly qalasy men Áıteke bı kóshesi aralyǵyndaǵy joldy qaıta jańartý jobasy negizinde 3 kópirdi tolyqtaı keńeıtý sharalary atqaryldy.

Óńirde jergilikti mańyzy bar joldardyń boıyndaǵy kópirlerdiń tehnıkalyq jaǵdaıy alańdatyp otyr. Qazir apattyq jaǵdaıdaǵy 5 kópir ótkeli memsaraptamadan ótkizilýde. Qorytyndysy tamyz aıynda anyqtalady. Oǵan qosa Qazaly aýdany 3 kópirge, Aral, Jalaǵash aýdandary temirjol ústinen ótetin avtokólik jolyna jáne Jańaqorǵan aýdany 3 kópirdiń jobasy ázirlenýde. Sondaı-aq oblys kóleminde 6 qalqymaly qaıyq ótkelderi bar. Búgingi kúni olardyń tehnıkalyq jaǵdaıy baqylaýda.

Oblys ákimi Gúlshara Ábdiqalyqova jıyn barysynda jaýapty sala basshylaryna memlekettik baǵdarlamalar arqyly bólingen qarjynyń ýaqytyly ıgerilip, maqsatty jumsalyp, jóndeý jumystary sapaly júrgizilýin mindettedi. Kólik aınalymy qyzmetin baqylaýǵa alý nazardan tys qalmaıdy.

Aıta ketsek, Qyzylorda oblysy jartyjyldyqty joǵary kórsetkishpen qorytyndylady.




Avtor Ádiljan Úmbet
Basty sózder: Qyzylorda oblysy, Jol, Ákim, Ákimdik,
Joǵary qaraı