Aýa raıy
Astana -23 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda joǵalyp ketken ańshy úsh kúnnen beri izdestirilýde

2020 jyldyń 30 qazan 2020 01:41

QYZYLORDA. QazAqparat - Qyzylorda oblysynda joǵalǵan ańshy úsh kúnnen beri tabylmaı jatyr, dep habarlaıdy QazAqparat tilshisi.

Málim bolǵandaı, 27 qazan kúni Aral aýdanyna qarasty Qaratereń eldi mekeninde úsh adamnan turatyn ańshylar toby qus atýǵa shyqqan. Birshama ýaqyttan keıin olardyń bireýi joǵalyp ketken. Dostary ony óz betinshe izdeýge tyrysqanymen, nátıje shyqpaǵan. Kelesi kúni de er adamdy tabý múmkin bolmaǵan.

«Búgin tıisti oryndar tarapynan joǵalyp ketken ańshyny izdestirý jumystary uıymdastyryldy. Aqtóbe qalasynda turatyn 1974 jylǵy azamatty izdeý «Kókaral» plotınasynan bastaldy. Bul sharaǵa Qyzylorda oblysy Órt sóndirý qyzmetiniń jedel-qutqarý jasaǵynan 4 qutqarýshy, 1 tehnıka, jergilikti polıtsııadan 8 qyzmetker 2 tehnıka jáne aýdan ákimdiginen 5 qyzmetker, 2 tehnıka jumyldyryldy.

Qazir plotına aýmaǵynan 30 shaqyrym jerde izdeý jumystary júrgizilýde. Qutqarýshylar kól mańaıyndaǵy batpaqty jerlerdi nazarǵa alyp otyr. Ázirge nátıje bergen joq», - dedi oblystyq Tótenshe jaǵdaılar departamenti órt sóndirý jáne avarııalyq-qutqarý jumysy qyzmetinen.


Avtor Ádiljan Úmbet
Basty sózder: Aımaq, Qyzylorda oblysy, Oqıǵa,
Joǵary qaraı