Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda vaktsına alǵandardyń 0,4% koronavırýs juqtyrdy

2021 jyldyń 20 qazan 2021 05:24

QYZYLORDA. QazAqparat – Qyzylorda oblysynda vaktsına qabyldaǵan azamattardyń nebári 0,4 paıyzy koronavırýsqa shaldyqqan, dep habarlaıdy QazAqparat tilshisi.

Óńirde epıdemıologııalyq ahýal kún sanap jaqsaryp keledi. Bıylǵy jyldyń qazan aıynyń 18 kúninde 526 jaǵdaı tirkeldi. Qyrkúıek aıynyń dál osyndaı merzimi ishinde – 1494, tamyzda 3523 jaǵdaı anyqtalǵan bolatyn. ıAǵnı aýrý kórsetkishi qyrkúıek aıynan 2,8, tamyz aıynan 7 esege tómendegen.

«Bul – koronavırýsqa qarsy aldyn alý sharasynyń oń nátıjesi. El arasynda qaterli indetke qarsy ekpe qabyldaǵan azamattar sany artyp keledi. Osylaısha kópshilik arasynda ujymdyq ımmýnıtet qalyptasty. Óńirde jospar boıynsha 452480 adam ekpe qabyldaýǵa qabiletti dep sanalyp otyr. Qazir 339 myńnan astam azamat birinshi komponentpen qamtyldy, ol 75,1% qurap otyr. Al ekinshi komponentti 276 myńnan astam adam aldy. Ol 61 paıyzdy shamalaıdy. Aıta keterligi, qaterli indetke qarsy egilgen adamdar arasyndaǵy aýrý kórsetkishi nebári 0,4 paıyz. Bul – jaqsy nátıje. Negizinde egilgender arasynda 8-10 paıyzǵa deıin aýrý tirkelýi yqtımal», - dedi oblystyq Sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Vedomstvo málimetinshe, aýrýdyń aldyn alý maqsatynda saqtyq sharalary jalǵasýda. Monıtorıngilik toptar jáne «Ashyq» baǵdarlamasy jumys jasap jatyr. Óńirde «Ashyq» baǵdarlamasyna 3478 nysan qosylǵan. «Sary» mártebesi bar – 398 adam, «qyzyl» mártebesimen 731 adam anyqtaldy. «Qyzyl» statýsty 200 adamǵa aıyppul salynyp, 8 mıllıon teńgege jýyq óndirildi. «Sary» mártebedegi adamdarǵa eskertpe jasaldy.

Eske salsaq, Qyzylorda oblysynda ekpe alýǵa tıis turǵyndardyń 75 paıyzy vaktsına saldyrdy.


Joǵary qaraı