Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda tótenshelikter myńnan astam úıge kómirqyshqyl gazyn anyqtaıtyn datchık ornatty

2021 jyldyń 12 qańtar 2021 03:23

QYZYLORDA. QazAqparat – Qyzylorda oblysynda jylý berý maýsymy bastalǵannan Tótenshe jaǵdaı departamentiniń mamandary az qamtylǵan, kópbalaly, turmys jaǵdaıy tómen otbasylar turatyn 1 048 turǵyn úıge kómirqyshqyl gazyn anyqtaıtyn datchık ornatty, dep habarlaıdy QazAqparat Óńirlik kommýnıkatsııalar qyzmetine silteme jasap.

Oblystyq TJD memlekettik órt baqylaý basqarmasynyń bastyǵy Baqtııar Turmanov brıfıngide osylaı málimdedi.

Jalpy, maýsym bastalǵaly óńirde 117 órt bolǵan. Al sońǵy 10 kúndikte 19 órt tirkeldi. Onyń ishinde, úsh gaz ballony jaryldy.

«Órt qaýipsizdiginiń aldyn alý maqsatynda 891 obekti tekserildi. Tekserý barysynda 2 288 buzýshylyq anyqtaldy. Órt qaýipsizdigi talaptaryn buzǵan 592 jeke jáne zańdy tulǵaǵa qatysty ákimshilik is qozǵalyp, aıyppul salyndy. Óńirde jylý berý maýsymy aıaqtalǵanǵa deıin ár aptanyń senbi kúni «Órt qaýipsizdik senbiligi» bolyp jarııalanǵan bolatyn», - dedi Baqtııar Turmanov.

Joǵary qaraı