Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda tótenshe jaǵdaı kezinde urlyq jasaǵandar ustaldy

2022 jyldyń 18 qańtar 2022 21:37

QYZYLORDA. QazAqparat - Qyzylorda oblysynda tótenshe jaǵdaı kezinde urlyq jasaǵandar ustaldy, dep habarlaıdy QazAqparat tilshisi.

Óńirde qoǵamdyq qaýipsizdikti saqtaý maqsatynda 28 blokbeket ornatyldy. Onyń ishinde qala aýmaǵynda 5 beket táýliktik rejımde jumys jasaýda.

Tártip saqshylary tótenshe jaǵdaı rejımin buzǵan 7 adamdy anyqtap, ákimshilik jaýapkershilikke tartty. Turǵyndardan «102» arnasyna 100-ge jýyq qońyraý tústi. Olar boıynsha tıisti sharalar qabyldandy.

Bir táýlik ishinde 6 qylmys tirkeldi. Máselen, Shıeli aýdandyq polıtsııa bóliminiń qyzmetkerleri tótenshe jaǵdaı kezinde urlyq jasaǵandardy ustady.

Túngi ýaqytta belgisiz tulǵalar azyq-túlik dúkeniniń qulpyn buzyp kirip, kassadan aqsha, temeki ónimderi men ózge de zattardy urlap ketken. Jábirlenýshige 160 myń teńge kóleminde materıaldyq shyǵyn keltirildi. Atalǵan aýdan ortalyǵynda ornalasqan taǵy bir azyq-túlik dúkeninen 250 myń teńge aqsha, temeki jáne táttiler qoldy boldy. Urlyq saldarynan dúken ıesine 263 myń teńge shyǵyn kelgen.

«Atalǵan derekter boıynsha QR Qylmystyq kodeksiniń 188-baby 3-bóligimen sotqa deıingi tergep-tekserý áreketteri júrgizilýde. Onda turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan urlyq jaǵdaıy kórsetilgen. Polıtsııa qyzmetkerleri jedel-izdestirý sharalaryn júrgizdi. Nátıjesinde atalǵan dúkenderge urlyqqa túsken Bıdaıkól aýylynyń eki turǵyny anyqtalyp, ýaqytsha ustaý abaqtysyna qamaýǵa alyndy», - dep málim etti Qyzylorda oblystyq Polıtsııa departamentinen.

Eske salsaq, Qyzylorda oblysynda 2022 jyldyń 19 qańtaryna deıin komendanttyq saǵat engizilgen. Sondyqtan Qyzylorda oblysynyń komendanty turǵyndardan tótenshe jaǵdaı rejımi talaptaryn oryndaýdy suraıdy.

Eske salsaq, budan buryn Baıqońyrda arandatýshylyq sıpattaǵy jalǵan aqparat taratqan adam anyqtalǵanyn jazǵan bolatynbyz.


Joǵary qaraı