Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda terrorlyq qaýiptiń «qyzyl» deńgeıi alyndy

2022 jyldyń 13 qańtar 2022 13:11

QYZYLORDA. QazAqparat - Qyzylorda oblysynda terrorlyq qaýiptiń «qyzyl» deńgeıi alyndy, dep habarlaıdy QazAqparat tilshisi.

Aımaqta ahýal turaqtanyp, terrorlyq aktimen kúrestiń «qyzyl shekti» deńgeıi alyndy. Turmystyq tirshilikti qaıta qalpyna keltirý jumystary jandanýda. Degenmen, tótenshe jaǵdaı rejımi jalǵasýda.

Búginde óńirde 28 blok beket talapqa saı jumys jasaýda. Kúndelikti 225 qoǵamdyq kólik qatynap, 316 bankomat jumys jasap tur. Al 1414 Call ortalyǵyna 56200 qońyraý túsken. Olardyń basym bóligi - halyqqa qyzmet etý, avıa jáne temirjol bıletterdi alý, azyq-túlik máselesine qatysty.

«Búginnen bastap 668 balabaqsha qyzmetin bastady. Mektep oqýshylary 17 qańtardan bastap oqý protsesine kóshedi.

5 qańtardan búginge deıin 608 azamat polıtsııa organdaryna jetkizildi. Qylmystyq ister boıynsha 73 azamat tergeý ızolıatoryna qamaldy. Sondaı-aq, 205 azamat medıtsınalyq kómekke júginse, solardyń 46-y aýrýhanada, 8-i jansaqtaý bóliminde jatyr», - dep málim etti Qyzylorda oblysy ákimdiginen.

Eske salsaq, Qyzylordada terrorlyq akti saldarynan 5,8 mlrd teńge kóleminde shyǵyn keldi



Joǵary qaraı