Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda taǵy eki aýyldyq okrýgte jańadan ákim saılandy

2021 jyldyń 1 tamyz 2021 23:45

QYZYLORDA. QazAqparat - Qyzylorda oblysynda taǵy eki aýyldyq okrýgte jańadan ákim saılandy, dep habarlaıdy QazAqparat tilshisi.

Atalǵan mańyzdy shara Aral aýdanynyń Aqqum jáne Shıeli aýdanynyń Talaptan aýyldyq okrýgterinde ótti. Daýys berý barlyq ýchaskelerde Konstıtýtsııalyq zańǵa sáıkes júrgizildi. Quqyq buzýshylyqtar kezdespedi, aryz-shaǵymdar túsken joq.

«Saılaý barlyq talaptarǵa saı ótkizildi. Búgin 2850 adam óz tańdaýyn jasady. Bul saılaýshylardyń jalpy sanynyń 80,8% qurady. Ol Aral aýdany Aqqum aýyldyq okrýginde - 72,3, Shıeli aýdany Talaptan aýyldyq okrýginde - 85,7 % qurady», - dedi oblystyq saılaý komıssııasynyń tóraǵasy Ǵalym Baımyrzaev.

Eske sala keteıik, budan buryn 25 shilde kúni ótken aýyl ákimi saılaýyna 151 adam óz kandıdatýrasyn usyndy. Onyń 131-si nemese 86,8%-i tirkeýden ótti. Saılaý bıýlletenine 122 kandıdat engizildi.

Saıası partııalardan 35 adam usynyldy. Onyń ishinde «Nur Otan», «Aýyl», «ADAL», Qazaqstan halyq partııalary bar. Sondaı-aq, ózin-ózi usyný boıynsha - 5 adam.

Ótken aptada saılanǵan 40 ákimniń 10-y memlekettik qyzmetshi bolsa, 22-i naqty aýyldyq okrýgte qaıta saılanǵan jumys istep júrgen ákimde. Al, 5-i bıýdjettik uıymdardyń qyzmetkerleri, 3-i ýaqytsha jumys istemeıtin azamattar. Saılanǵan 40 ákimniń arasynda bir áıel azamatsha bar.


Joǵary qaraı