Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda taǵy bir PTR zerthanasy ashyldy

2021 jyldyń 12 qazan 2021 04:43

QYZYLORDA. QazAqparat - Qyzylorda oblysy Qazaly aýdanynda PTR zerthanasy ashyldy, dep habarlaıdy QazAqparat tilshisi.

Bul zerthana Qazaly aýdanyndaǵy temirjol aýrýhanasynyń bazasynda ashyldy. Onyń qýaty táýligine 200 synaqty quraıdy. Zerthana Qazaly aýdanymen qatar kórshiles Aral jáne Qarmaqshy aýdandarynyń turǵyndaryna qyzmet kórsetedi.

«Qazaly temirjol aýrýhanasy» JShS bas dırektory, bilikti maman Qubyl Rshymbetov aýdan basshysyn zerthana jumysymen tanystyryp, ortalyqtyń tıimdilikterin tilge tıek etti.

«Mekeme barlyq talaptarǵa saı qajetti jabdyqtarmen qamtylǵan. Zerthana bólmelerinde jóndeý jumystary júrgizildi. Tehnıka ornatyldy, qajetti reaktıvter satyp alyndy. Zerthana qyzmetkerleri Almaty, Oral qalasyndaǵy jetekshi zerthanalar bazasynda arnaıy oqytýdan ótti. Jobanyń jalpy quny 60 mln teńgeni quraıdy», - dedi aýrýhana basshysy.

Buryn PTR zertteýge barlyq bıologııalyq materıaldar Qazalydan Aral aýdany men Qyzylorda qalasyna jiberiletin. Nátıjeler 2-3 kún aralyǵynda shyǵatyn. Jańa PTR zerthananyń ashylýymen koronavırýs ınfektsııasyn tezirek anyqtaýǵa bolady. Taldaýdy óńdeý ortasha eseppen 5 saǵatty quraıdy. Synaq qorytyndysy bir táýlik ishinde beriledi.

Aýdan ákimi Muhtar Orazbaev aýrýhanaǵa arnaıy baryp, medıtsına qyzmetkerleriniń jumysyna sáttilik tiledi.


Joǵary qaraı