Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda polıtsııa toqtatqan kólikten granataǵa uqsas jarylǵysh zat tabyldy

2022 jyldyń 20 mamyr 2022 13:05

QYZYLORDA. QazAqparat - Qyzylorda oblysynda kólik ishinen granataǵa uqsas jarylǵysh zat tabyldy, dep habarlaıdy QazAqparat tilshisi.

Qyzylorda oblysy Polıtsııa departamentiniń qyzmetkerleri óńirde «Zańsyz tasymaldaýshy» jedel saýyqtyrý sharasyn ótkizip jatyr.

«Atalǵan shara barysynda «Samara-Shymkent» tasjolynyń boıynda kúdiktik kólik toqtatyldy. Tekserý barysynda kóliktiń júksalǵyshyndaǵy sómkeniń ishinen paketke oralǵan granataǵa uqsas jarylǵysh zat tabyldy. Al júrgizýshi oryndyǵynyń astynan 2 dana gazet qıyndysyna oralǵan ózine tán erekshe ıisi bar shóp untaǵy anyqtaldy. Saraptamaǵa sáıkes, shóp untaqtarynyń keptirilgen marıhýana ekendigi belgili boldy», - dep málim etti Qyzylorda oblystyq polıtsııa departamentiniń baspasóz qyzmeti.

Vedomstvo málimetinshe, atalǵan derek negizinde QR Qylmystyq kodeksiniń 287-babynyń 3-bóligi sáıkes sotqa deıingi tergep-tekserý áreketteri júrip jatyr.

Onda qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý tártibi kórsetilgen.

Eske salsaq, osyǵan deıin Qyzylordada jylqyǵa soǵylǵan kólik júrgizýshisi kóz jumǵany habarlandy.



Joǵary qaraı