Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda kúzgi egin jınaý jumysy tolyǵymen aıaqtaldy

2021 jyldyń 21 qazan 2021 21:25

QYZYLORDA. QazAqparat - Qyzylorda oblysynda kúzgi egin jınaý jumystary tolyǵymen aıaqtaldy, dep habarlaıdy QazAqparat tilshisi.

Oblys dıqandary bıyl sý tapshylyǵyna qaramastan óz deńgeıinde egin ekti. Nátıjesinde ótken jylǵy deńgeıde ónim alýǵa qol jetkizildi.

«Egin jınaý naýqanyna sharýashylyqtar menshigindegi 4266 aýyl sharýashylyǵy tehnıkasy qatysty. Búgingi kúni egilgen 83 570 gektar kúrish kólemi tolyq jınalyp, orta ónimi 59,8 tsentnerden aınaldy. Kúzgi egin jınaý naýqanynyń aıaqtalýyna baılanysty 22-23 qazan kúnderi jyldaǵy dástúr boıynsha «Altyn dán-2021» sharasy ótkiziledi. Oblys dıqandary el Táýelsizdiginiń 30 jyldyǵy qarsańynda joǵary ónim alýǵa qol jetkizdi. Óndiris ozattary 22 qazan kúni «Altyn dán-2021» sharasy aıasynda marapattalady. Sondaı-aq, 23 qazanda saǵat 8:00-den bastap barlyq aýdannyń qatysýymen Qyzylorda qalasynda aýyl sharýashylyǵy ónimderiniń jármeńkesi uıymdastyrylady», - dedi oblystyq aýyl sharýashylyǵy basqarmasynyń basshysy Talǵat Dúısebaev.

Jármeńkede barlyǵy 340 kólikpen jetkizilgen 1044 tonna aýyl sharýashylyǵy ónimderi naryq baǵasynan 15-20 paıyz tómen baǵada satylady.

Osy kúni qalalyq ıppodromda ulttyq at sporty túrlerinen báıge jarystary ótkiziledi.

Eske salsaq, Qyzylordada azyq-túlik taýarlarynyń baǵasyn turaqtandyrýǵa nazar aýdaryldy.


Joǵary qaraı