Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda kóktaıǵaq saldarynan jol jabyldy

2022 jyldyń 29 qańtar 2022 01:15

QYZYLORDA. QazAqparat - Qyzylorda oblysynda aýa raıynyń qolaısyz bolýynan «Shymkent-Samara» tasjolynyń birqatar bóliginde jol jabyldy, dep habarlaıdy QazAqparat tilshisi.

Bul jóninde oblystyq tótenshe jaǵdaılar departamenti málimet taratty.

Onda «Shymkent-Samara» tasjolynyń 1473-1939 shaqyrym aralyǵynda kóliktiń barlyq túriniń qozǵalysyna jol jabyq ekeni aıtylǵan.

Ol Qazaly aýdanynyń ortalyǵy Áıteke bı jáne Shıeli kentiniń aralyǵyn qamtıdy.

Sonymen qatar, 28 qańtar Nur-Sultan ýaqytymen saǵat 00.00 bastap respýblıkalyq mańyzy bar «Qyzylorda-Pavlodar-Ýspenka» avtomobıl jolynyń Qyzylorda qalasynan bastap Qaraǵandy oblysynyń shekarasyna deıingi bóliginde búkil kólikterdiń júrýine tyıym salyndy.

Dál osyndaı jaǵdaı Qyzylorda qalasynda da baıqaldy. Jańbyr jaýýy men kúnniń sýyqtyǵyna baılanysty qala kóshelerinde kóktaıǵaq kórinis berdi.

«Qazir kóktaıǵaqty boldyrmaý úshin kommýnaldy sala qyzmetkerleri kúsheıtilgen rejımde jumys júrgizýde. Oǵan «Qyzylorda Tazalyǵy» JShS-niń 32 birlik arnaıy tehnıkasy men 120 qyzmetkeri jumyldyryldy. Mamandar táýlik boıy aýysymmen jumys jasaıdy. Qala turǵyndarynan jolda abaı bolýyn jáne júrgizýshilerden kólik jyldamdyǵyn údetpeýin suraımyz», - dep málim etti Qyzylorda qalasy ákimdiginen.

Eske salsaq, budan buryn Qyzylorda oblysynda elsiz dalada qalyp qoıǵan 19 adam qutqarylǵan edi.


Joǵary qaraı