Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda kásipkerlerdiń sany 5,8 paıyzǵa artty

2021 jyldyń 13 jeltoqsan 2021 13:39

QYZYLORDA. QazAqparat - Qyzylorda oblysynda kásipkerlerdiń sany 5,8 paıyzǵa artty, dep habarlaıdy QazAqparat tilshisi.

Óńirde kásipkerlerdiń sany 5,8, onda jumyspen qamtylǵandar 9,2 paıyzǵa ulǵaıǵan. Al óndirilgen ónim kólemi 11,7 paıyzǵa artqan.

«Shaǵyn jáne orta bıznes salasyn damytý baǵytyndaǵy jumystardyń nátıjesin ekonomıkadaǵy úlesiniń artýynan kórýge bolady. Bıyl memlekettik baǵdarlamalar aıasynda 2 592 joba qaıtarymsyz granttarmen qamtylyp, oblysta kásipkerler úlesi artyp keledi. Qaıtarymsyz granttar kásipkerlikti damytýdyń mańyzdy quralyna aınaldy», - dedi oblystyq Kásipkerlik jáne týrızm basqarmasy basshysynyń orynbasary Talǵat Bekishev.

Óńirde jeke kásibin ashyp, el ekonomıkasynyń damýyna úles qosyp júrgen azamattar qatary artqan. Solardyń biri – Oljas Aqseıitov. Ol «Bıznestiń jol kartasy 2020» memlekettik baǵdarlamasymen 2 mln teńge kóleminde qarjyǵa jeke kásibin ashty.

«2020 jyly «peıntbol» jobasymen memlekettik grantqa qol jetkizdim. Osy kásippen aınalysqanyma bir jarym jyldan asty. Pandemııa kezinde qıyndyqtar bolǵanymen, qazirgi tańda kelýshiler sany artqan. Aldaǵy ýaqytta jeke kásibimdi ulǵaıtýdy josparlaýdamyn», - dedi jeke kásipker Oljas Aqseıitov.



Joǵary qaraı