Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda iri esirtki alqaby anyqtaldy

2021 jyldyń 14 qyrkúıek 2021 14:56

QYZYLORDA. QazAqparat - Qyzylordalyq polıtseıler iri esirtki alqabyn anyqtady, dep habarlaıdy QazAqparat.

Qyzylorda oblysy polıtsııa departamentiniń esirtki qylmysyna qarsy is-qımyl basqarmasynyń qyzmetkerleri «Qarasora-2021» jedel-profılaktıkalyq sharasy barysynda iri esirtki alqabyn anyqtady.

Esirtki Aral aýdany Jińishkequm aýylynan 100 shaqyrym qashyqtyqta, dalalyq jerde egilgen. Oqıǵa ornynda kúdikti úsh er adam ustaldy.

Olar 2479 túp sora ósimdigin arnaıylap baptap, egip ósirgen.

«Atalǵan derek boıynsha QR Qylmystyq kodeksiniń 300-babynyń 2-bóligimen sotqa deıingi tergeý amaldary júrgizilip jatyr. Kúdiktiler ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada aýlasynda esirtki ósirgen 62 jastaǵy turǵyn qolǵa tústi.

Ol kisiniń aýlasynan 105 túp sora ósimdigi tabylyp, aıǵaq zat retinde tárkiledi. Saraptama taǵaıyndaldy. Qorytyndyǵa sáıkes, ol sora esirtkisi bolyp shyqty.


Joǵary qaraı