Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda bıyl dermatomıkoz aýrýyna shaldyqqandar kóbeıdi

2022 jyldyń 28 mamyr 2022 08:30

QYZYLORDA. QazAqparat - Qyzylorda oblysynda jyl basynan beri dermatomıkoz aýrýynyń 106 jaǵdaıy tirkeldi. Bul byltyrǵy jylmen salystyrǵanda 10 jaǵdaıǵa artyq, dep habarlaıdy QazAqparat tilshisi.

Dermatomıkoz adamdar men janýarlarda parazıttik tirshilik etetin dermatofıt sańyraýqulaqtary týdyratyn aýrýlar tobyna jatady.

Atalǵan aýrýdyń túrimen eresek adamdar da, balalar aýyrady.

«Infektsııa kózi – aýrý adamdar, úı janýarlary jáne jabaıy kemirgishter. Aýrý aldymen teriniń buzylýy (qabyrshaqtaný), tyrnaqtyń synýy, bastyń shash ornalasqan bóliginiń taqyrlanýy túrinde baıqalady. Shashtyń túsýi kóbine jas búldirshinderde kezdesedi.

Oblysta jyl basynan beri dermatomıkoz aýrýynyń 106 jaǵdaıy tirkelgen. Ol byltyrǵy jylmen salystyrǵanda 10 jaǵdaıǵa kóp. Aýdandar boıynsha mundaı jaǵdaı Jalaǵash, Jańaqorǵanda kóp tirkelse, Qyzylorda qalasynda da kóp kezdesedi», - dep málim etti Qyzylorda oblystyq sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.

Vedomstvo málimetinshe, tirkelgen aýrýdyń 94 paıyzy 14 jasqa deıingi balalardyń úlesine tıip otyr. Epıdemıologııalyq zertteý barysynda olardyń 90,4 paıyzy ıt-mysyqtar arqyly, 9,5 paıyzynda qarym-qatynas arqyly juqqan.

Eske salsaq, Qyzylordada bir adamnan Kongo-Qyrym gemorragııalyq qyzbasy anyqtaldy.



Joǵary qaraı