Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda bıyl 300-den astam adamdy ıt qapty

2022 jyldyń 20 mamyr 2022 04:03

QYZYLORDA. QazAqparat - Qyzylorda oblysynda bıylǵy jyldyń alǵashqy toqsanynda 306 adamdy ıt qaýyp alǵan. Jaraqat alǵandardyń úshten bir bóligi - 14 jasqa deıingi balalar, dep habarlaıdy QazAqparat tilshisi.

Bıyl oblysta ártúrli janýarlardyń tisteýi, tyrnaýy, silekeıinen zardap shekken 349 adam medıtsınalyq kómekke júgingen.

«Jaraqat alǵandardyń 31,2% - 14 jasqa deıingi balalar. Mundaı oqıǵalar negizinen Jańaqorǵan aýdany men Qyzylorda qalasynda tirkelgen. Jaraqat alǵandardyń 306 jaǵdaıy (87,6 %) ıtke qatysty bolyp otyr. Qalǵany - mysyq, jylqy, múıizdi iri qaradan alǵan jaraqattar», - dedi Qyzylorda oblysy sanıtarlyq epıdemıologııalyq baqylaý departamentiniń baspasóz hatshysy Aıman Janahaeva.

Vedomstvo málimetinshe, alǵashqy toqsanda oblys turǵyndary men janýarlar arasynda jergilikti asa qaýipti qutyrma aýrýy tirkelgen joq.

Eske salsaq, bıyl Qyzylordada jiti ishek ınfektsııasyn juqtyrý 30,5 paıyzǵa artyp otyr.



Avtor Ádiljan Úmbet
Basty sózder: Oqıǵa, Qyzylorda oblysy,
Joǵary qaraı