Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda áleýmettik dúkender sany 34-ke jetti

2021 jyldyń 19 qyrkúıek 2021 03:38

QYZYLORDA. QazAqparat - Qyzylorda oblysynda áleýmettik dúkender sany 34-ke jetti, dep habarlaıdy QazAqparat tilshisi.

Búgin oblys ákimi Gúlshara Ábdiqalyqova óńirdegi azyq-túlik ónimderiniń baǵasyn baqylaý maqsatynda qaladaǵy birqatar iri saýda orny men áleýmettik dúkenderdi aralady.

Aıta ketý kerek, aımaq basshysy osy kezge deıin áleýmettik mańyzy bar 19 túrli azyq-túlik ónimin shekti baǵadan asyrmaý, áleýmettik dúkender jelisin kóbeıtý jóninde naqty tapsyrma bergen bolatyn. Sol maqsatta oblystyń turaqtandyrý qorynan taýarlyq ınterventsııalar júrgizý, «aınalym» shema boıynsha baǵany turaqtandyrý mehanızmi aıasynda zaıym berý sharalary qabyldandy.





Qazirgi tańda turaqtandyrý qorynda 1042,9 tonna ónim kólemi saqtalyp, tómen baǵada satylýda. Onyń ishinde birinshi sortty bıdaı uny - 616,5, kúrish - 96,8, qant - 235,4, makaron - 72,3, qaraqumyq jarmasy - 21,9 tonna.

Óńir basshysy oblys ortalyǵyndaǵy «Small», «Magným», «Ál-asad» sekildi iri saýda úılerine baryp, halyq jıi tutynatyn áleýmettik mańyzy bar azyq-túlik ónimderiniń baǵasyn qadaǵalady. Un, qant, kúnbaǵys maıy men kókónis ónimderin baǵasyn bekitilgen tizimmen sáıkestigine nazar saldy.

Gúlshara Ábdiqalyqova áleýmettik dúkenderdiń jelisin kóbeıtý arqyly halyqqa qoljetimdi baǵada ónim usynýǵa múmkindik keńeıetinin alǵa tartty. Tıisti sala basshylaryna jergilikti ónimderdi kóbeıtý qajettigin qaperge saldy.





Aıta keterligi, óńirde áleýmettik dúkenderdiń sany 34-ke jetti. Bıyl 5 dúken ashyldy.

Sondaı-aq, Gúlshara Ábdiqalyqova jergilikti ónimder saýdalanatyn jármeńkede turǵyndarmen tildesti. Shıeli aýdany sharýa qojalyqtarynyń ónimderi usynylǵan jármeńkede halyqpen birge qoldan daıyndalǵan tabıǵı ónimderdi satyp aldy. Jergilikti ónimder qataryn kóbeıtken qaýynnan jasalǵan chıpsy, buqtyrylǵan et, bal ónimderin kórip, kásipkerlermen pikirlesti.





Jármeńkege 50 tonnadan astam aqtalǵan kúrish, 80 tonna kartop, 30 tonna pııaz, 25 tonna sábiz, 30 tonna kókónis, 80 tonna baqsha ónimderi, 10 tonna et pen shujyq, 5 tonna balyq, 3 tonnaǵa jýyq nan jáne makaron, 1 tonnadan astam sút jáne 15 tonna kondıter ónimderi jetkizilgen.

Endi 4 jeltoqsanǵa deıin oblys ortalyǵynyń turǵyndaryna apta saıyn aýdandardyń aýyl sharýashylyǵy taýaróndirýshilerdiń ónimderi jármeńkeleri ótkiziledi.

Eske salsaq, budan buryn qyzylordalyq eńbekkerler elordada jármeńkede aýyl sharýashylyǵy ónimderin usyndy



Joǵary qaraı