Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylorda oblysynda 9 ákimshilik ǵımarat búlingen

2022 jyldyń 20 qańtar 2022 15:36

QYZYLORDA. QazAqparat - Qyzylorda oblysynda jappaı tártipsizdik saldarynan zalal keltirilgen 9 ákimshilik ǵımaratyn qalpyna keltirý júrgizilýde, dep habarlaıdy QazAqparat tilshisi.

Tótenshe jaǵdaıǵa baılanysty búginde oblysta zardap shekken ákimshilik jáne kásipkerlik ǵımarattardy qalpyna keltirý jumystary júrýde. Oblys ákiminiń jáne aýmaqtyq komendanttyń buıryqtaryna sáıkes bul maqsatta oblystyq jumyldyrý daıyndyǵy basqarmasyna tıisti tapsyrmalar berilgen.

«Kúsheıtilgen jaýyngerlik qyzmettegi quqyq qorǵaý organdary qyzmetkerleri men áskerıler qańtardyń 7-19 aralyǵynda 3 mezgil ystyq tamaqpen qamtamasyz etildi. Qala aýmaǵynda órtengen kólikterdi arnaıy turaqqa tasymaldandy. Jappaı tártipsizdik saldarynan zalal keltirilgen 9 memlekettik ákimshilik mekeme ǵımaratyn qalpyna keltirý jumystary júrgizilýde. Búgingi kúnge, ǵımarat ishterin órt qoqystarynan tazartý, jaramsyz esikter men terezelerdi aýystyrý, qabyrǵalardy ystan tazartý, qaıta sylaý jumystary atqarylýda», - dedi oblystyq jumyldyrý daıyndyǵy basqarmasy basshysynyń orynbasary Baǵdat Álıev.

Sondaı-aq Qyzylordada tártipsizdik saldarynan zardap shekken kásipkerlerdiń tizimi jasalýda.



Joǵary qaraı