Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylorda oblysynda 41 joba júzege asyrylmaq

2021 jyldyń 16 shilde 2021 19:26

QYZYLORDA. QazAqparat - Qyzylorda oblysynyń ekonomıkalyq kórsetkishterinde ósim bar. Bul jóninde oblys ákimi Gúlshara Ábdiqalyqova jartyjyldyq qorytyndysy negizinde depýtattar aldynda esebinde jan-jaqty aıtyp berdi, lep habarlaıdy QazAqparat tilshisi.

Aımaqta esepti kezeńde ónerkásip óniminiń kólemi - 0,5%, óńdeý ónerkásibi - 14,6%, aýyl sharýashylyǵynyń jalpy ónimi - 2,8%, ınvestıtsııalar – 13,6%, onyń ishinde jeke ınvestıtsııalar – 5,9%, qurylys jumystary – 34%, paıdalanýǵa berilgen turǵyn úıler - 5,3% jáne bólshek saýda – 1%-ǵa ósti. Jumys jasap turǵan shaǵyn jáne orta bıznes sýbektileriniń sany 6,1%-ǵa artyp, 49 808 birlikti qurady. Jyl basynan beri ekonomıka salalarynda 16 464 jańa jumys oryny quryldy, onyń 6328-i turaqty jumys orny. Jumyssyzdyq deńgeıi - 4,9%. Indýstrııalandyrý baǵdarlamasynyń úshinshi besjyldyǵy aıasynda 7 myńnan astam jumys orny qurylatyn 41 jobany júzege asyrý jumystary júrgizilýde.

«Esepti kezeńde ındýstrııalandyrý kartasynyń iske asyrylǵan jobalarymen shyǵarylǵan ónim kólemi 8 mlrd. teńgege artyp, jalpy 18 mlrd.teńgeni qurady. Eksport 24,3%, al eksporttaýshy elder sany 8-den 12-ge deıin ósti. Bıyldyń ózinde 48,5 mlrd.teńgege 506 jumys orny qurylatyn 4 joba iske asyrylady. Azyq-túlik taýarlarynyń baǵasyn turaqtandyrý máseleleri de baqylaýda», - dedi Gúlshara Ábdiqalyqova.

Oblystyq bıýdjetti qalyptastyrýdaǵy basym baǵyttardyń biri - «Nur Otan» partııasynyń saılaýaldy baǵdarlamasyn iske asyrý. Baǵdarlamanyń respýblıkalyq Jol kartasynyń is-sharalaryn iske asyrýǵa jyl basynan beri 2,3 mlrd teńge, al óńirlik Jol kartasyna 362,8 mln teńge bólingen.

Aral aýdanynda bıyl qurǵaqshylyq saldarynan iri qara shyǵyny tirkeldi. Nátıjesinde tótenshe jaǵdaı jarııalanyp, oblystyń tótenshe rezervinen tıisti qarjy bólinýde. Іri kólemdegi sharalarǵa qajetti qarajat kólemi eseptelip, Úkimetke joldandy. Aldaǵy ýaqytta Úkimet rezervinen de tıisti qarjy bólinedi dep kútilýde.

Jedel sharalardy atqarý nátıjesinde atalǵan jaǵdaı der kezinde turaqtalyp keledi. Búgingi kúni 1767,6 tonna jońyshqa, 50 tonna jem jetkizildi. Qosymsha 406 tonna jońyshqa men 60 tonna arpaǵa tapsyrys berildi. Oblys boıynsha malǵa qajetti 942,4 myń tonna azyqtyń búgingi kúnge 181,1 myń tonnasy daıyndaldy. Bul baǵyttaǵy jumystar jalǵasýda.

Aımaq basshysy depýtattyq korpýs tarapynyń oblystyń áleýmettik-ekonomıkalyq damýyndaǵy alǵashqy kezekte sheshýdi qajet etetin ózekti máseleler men usynys pikirleri eskeriletinine toqtaldy. Birqatar mańyzdy jobalarǵa respýblıkalyq jáne oblystyq bıýdjetten qarjy bólinýde.

Aıta keterligi, Qyzylorda oblysynda jol jelisin damytý jaqsara tústi.


Ádiljan Úmbet.


Avtor Ádiljan Úmbet
Basty sózder: Ekonomıka, Qyzylorda oblysy,
Joǵary qaraı