Aýa raıy
Astana 31 °S
Almaty 33 °S
valıýta baǵamy
USD 412.55
EUR 468.66
RUB 5.79
CNY 58.80

Qyzylorda oblysynda 3 aıǵa jeterlik dáriler bir aptada satylyp ketken

2020 jyldyń 7 shilde 2020 14:04

QYZYLORDA. QazAqparat - Qyzylorda oblysynda úsh aıǵa jetkilikti dáriler bir aptada satylyp ketken. Bul jóninde onlaın-brıfıngide oblys ákimi Gúlshara Ábdiqalyqova málim etti, dep habarlaıdy QazAqparat tilshisi.

Málim etilgendeı, Qyzylorda oblysynda vırýsqa qarsy preparattar bar. Alaıda, dıstrıbıýtorlar tarapynan tapsyrysta kórsetilgen kólem tolyǵymen jetkizilmeı jatyr. Qazir halyq dárini jappaı satyp alýda.

«Mysaly, oblysta 3 aıǵa jetkilikti dáriler 1 aptada ótip ketti. Saldarynan em alýshylarǵa dáriniń jetispeýshiligi týyndady. Bul másele tek bizdiń óńirde emes, jalpy respýblıkada kezdesip otyr. Dárihanalarǵa dárilik zattar boıynsha kúndelikti qajettilikke jáne halyqtyń suranysyna qaraı tapsyrys berilýde. Sonymen qatar, oblystyq medıtsınalyq statsıonarlarǵa «SK-Farmatsııa» mekemesi tarapynan 45 kúnge jetetin dári-dármek qory jasaqtalǵan. Sondaı-aq, dári-dármektiń baǵa turaqtylyǵyn nazarda ustap kelemiz. Turǵyndar arasynda dári-dármek baǵasynyń retsiz ósýine baılanysty shaǵym kóp. Osy salaǵa turaqty monıtorıng jasaý jáne baǵa turaqtylyǵyn qatań baqylaý týraly oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti jumys atqarýda. Bas sanıtarlyq dárigerdiń qaýlysyna sáıkes barlyq múddeli memlekettik organdarmen jáne úkimettik emes uıymdarmen birlesip monıtorıngilik top quryldy», - dedi oblys ákimi.

G.Ábdiqalyqovanyń aıtýynsha, sondaı-aq qala, aýdan ákimdikteri jáne «Nur Otan» partııasynyń oblystyq fılıaly janynan qurylǵan arnaıy monıtorıngilik toptar preparattardyń baǵasy men kólemine qatań baqylaý júrgizetin bolady.

«Búgingi kúni Qazaqstan Respýblıkasynda 7 452 dárilik zattyń ataýy tirkelgen. Densaýlyq saqtaý mınıstriniń («Bólshek jáne kóterme saýdada ótkizýge arnalǵan dárilik zattyń saýda ataýyna shekti baǵalardy bekitý týraly») buıryǵymen 6191 dárilik zattyń ataýyna shekti bólshek saýda baǵalary belgilengen», - dedi óńir basshysy.

Búginge deıin Qyzylorda oblysynda koronavırýs ınfektsııasyna shaldyqqan 1456 adam tirkelgen. Onyń ishinde 950 adam syrqatynan jazylyp, úsh adam qaıtys boldy.


Joǵary qaraı