Qyzylorda oblysynda 134 dárige shekti baǵa engizildi

QYZYLORDA. QazAqparat - Qyzylorda oblysynda óńirdegi qorda koronavırýs ınfektsııasyna qarsy dárilik zattar jetkilikti, dep habarlaıdy QazAqparat tilshisi.

Jyl basynan beri 155,3 mln. teńgeni quraıtyn 6 mıllıonǵa jýyq dári-dármek alynǵan. Onyń ishinde, ystyqty túsiretin dári, antıbıotık, vırýsqa qarsy, ımmýnostımýlıator, medıtsınalyq buıymdar, ınektsııalyq jáne gormondyq preparattar bar. Jýyrda qosymsha 124 mln. teńgeni quraıtyn dárilik zat jetkiziledi.

«Qazirgi tańda antıbıotıkterdiń 382 myń, vırýsqa qarsy preparattardyń 15 myńnan asatyn qoraby bar. Sondaı-aq, aımaqqa antıkoagýlıanttardyń 1 317, ystyqty túsiretin preparattardyń 166 myńnan asatyn qoraby jetkizildi. Bıyl 6512 dárilik zat ataýyna shekti baǵa bekitildi. Sonymen qatar, vırýsqa qarsy 134 dárige naryqtan tómen shekti baǵa engizildi. Dári-dármekterge monıtorıng turaqty júrgizilýde», - dedi oblystyq medıtsınalyq jáne farmatsevtıkalyq baqylaý departamentiniń bólim basshysy Nurbek Ádilhanov.

Esterińizge sala ketelik, Qyzylordada naýqastardyń basym bóligi qaýipti vırýsty qarym-qatynas arqyly juqtyrǵan.